[中國‧北京] 頤和園

食飽飽就去第一個景點 『頤和園』~
地方都算大, 但係o的房未免細左少少..... 另外佢條長廊幾靚, 連個頂都雕晒花, 不過就有o的長.... o的妃子每日來回咁去請安都咪話唔慘...

哈~ 除左建築物, 我覺得個景都幾靚下~ 加埋依家既天氣, 特別淒美~  

嘩哈哈, 行到『排雲門』, 正諗緊好唔好打回頭返去『十七孔橋』既時候, 見到唔少人係個昆明湖上面行緊.... 係, 無睇錯 ....係『行』緊..... XDD

我都真係第一次『行』湖, 其實都有o的驚架, 因為見到有唔少裂痕... 不過見人行我又行啦.... o的人真係好搞笑, 拖住喼既又有, 推住三腳架既都有, 有o的仲拎埋個雪橇黎兜生意..... -_-;;

終於去到『十七孔橋』喇, 係近橋位置都仲係水黎, 但無幾遠就開始結冰喇~

颐和园: http://www.summerpalace-china.com/