Six Course Dinner Set

噚日又搞左個飯局, 今次有四個人, 總共整左6個course (正確黎講有7個添 XDDD)
一放工就去左買料, 七點幾返到黎, 最終八點半先有第一道菜.. 真的對不起呢, 餓親大家~ =P
我地仲好誇張咁, 由八點半食到11點半, 足足食左三個鐘有多~

o的菜其實同上次差唔多, 當中最好食既, 我覺得係條鱸魚, 味道岩岩好, 街好少食到~
而最特別既, 就係新菜『菠菜芝士酥』, 整法簡單, 出黎個效果亦好 (其實整之前我係唔知係乜味架 :P)
不過佢比較乾身, 所以我地食果時要加埋隔離個白酒忌廉汁, 味道很夾, 唯一係我放多左鹽唧 =P

今次個 house wine 叫White Zinfandel, 粉紅色的, 好易入口... 不過我地唔記得影相 =P

其實煮呢6道菜唔需要好耐, 最花時間既反而係o的配菜... 即係o的白菌, 蕃茄同薯仔....
不過好搞笑, 由於o的朋友仔太肚餓, 就拎左o的薯角去食啦, 以為係頭盤, 食到個人飽晒, 先知只係配菜 XD
anyway, 希望佢地l喜歡今次個dinner啦~ um... 唔記得問最鍾意係邊道菜添~ 哈哈~

 
餐湯 - 御用番茄湯配蒜蓉飽 + 意大利巴馬火腿蜜瓜   
前菜 - 菠菜芝士酥

 
前菜 - 白酒忌廉汁青口                                                   
主菜 - 芫茜汁鱸魚

   
主菜 - 大蝦牛扒                                                               
甜品 - Cova 松子吉士批 + 自製提拉米蘇                     
House Wine

Five Course Dinner Set

是日某某生日, 我地食左一個不錯的 Five Course Dinner Set~

 
餐湯 - 鮮帶子露筍番茄湯 配 牛角飽                            
頭盤 - 牛油果鮮蝦沙律

 
前菜 - 芫茜汁鱸魚                                                         
主菜 - 香煎鵝肝 配 澳洲穀飼牛

  
甜點 - 提拉米蘇                                                              
House Wine - 鮮榨橙汁

好明顯...  呢個『Five Course Dinner Set』係出自我手筆啦~ 嘩哈哈哈~ XDDD
淨睇賣相, 已經夠照!!! 至於味道呢.... 壽星仔話樣樣都好okay喎, 係個沙律平凡左o的~
我自己就覺得個甜點最掂, 好耐無食過o的咁正既Tiramisu喇!!! 感覺自己既功力返黎喇!! 呵~

朱古力馬卡龍

都話 Macaroon 難整架啦, 我真係唔sure係咪次次都得架....
今次整古古力味, 初先以為又衰左啦, 點知又okay喎, 仲好脹好圓添~
係條裙邊無上次咁明顯唧, 不過都算合格~ 佢配茶食真係幾好, 中和返o甜味~

[中國‧香港] 中上環美食巡禮

話說之前响中環返工啦, 咁都真係食盡唔少好野既~
呢o的相影左好耐架喇, 係時候post返佢地出黎~


上: 蓮香樓 ~ 蓮蓉包, 千層糕, 豬肚燒;
下: 九記 - 清湯腩伊; 生記 - 香煎魚餅, 蘿蔔牛腩麵


上: 沾仔記 - 雲吞牛肉麵; Naozen - 魚生飯定食; Robuchon - 牛角包
下: 文華Cafe - 廚師沙律, 白酒汁海鮮燴意, 海南雞飯

黎中環, 點可以唔試下勁出名既『蓮香樓』呢~ 佢仲係用緊茶盅黎飲茶架~
而想食清湯腩的話, 就非『九記』莫屬, 反而『生記』就個魚腩粥好好食...
另外『蘭芳園』既蕃茄麵都真係唔錯架, 不過我無影相~

『沾仔記』既麵其實都唔錯, 又平又好食, 仲要大大件... 過少少既『三多』都okay~
不過『麥奀記』就超唔掂喇, 貴得非常不合理, 我相信我唔會再幫襯!!!
另外, 想食麵既, 仲可以去『筷子記』同『南記』, 兩間我都幾鍾意架~

講完麵食, 就講下日本野啦~ 平既可以考慮『大吉』, 貴既我就推介『賀菊』~
而『Naozen』呢, 就食唔食都罷, 貴得黎我又唔覺話特別好食~
好.. 講下西餐先~ 『L'Atelier de Joel Robuchon』既牛角飽就真係一盡!!
可惜我比較遲發現, 唔係一定每個星期都買一次黎做早餐, 12蚊咁既質素, 勁扺啦!!!
至於『文華Cafe』, 我覺得好普通, 個海南雞飯始終都仲有差少少~

唉.... 突然好懷念係中環返工既日子添....

美食巡禮 XD

我除左整餅之外, 仲有煮飯架~ 至於整o的乜, 就事乎當日心情同買到乜料啦~
中西餐都有, 不過中餐無乜特別, 所以無影相唧~ 哈哈~ 睇完你就會明點解我肥左~ XD
另外呢.... 我發覺我真係有好多pinga餐具, 碟呀, 碗呀, 杯呀, 乜都有~ 多謝各好友由老遠既日本帶俾我!!

 
自製果醬配麵包~                                                           
呢個早餐真係超豐富!!!

 
三文魚配蛋黃通粉                                                         
牛肋條配意粉 (我覺得佢既形狀有o的似便便 XD)

  
新鮮生蠔                                                                         
 翡翠螺+蕃茄湯

 
芝士煙肉焗蠔 + 大蝦牛柳                                            
焗羊脾 + 大蝦

 
 忌廉青口 + 煎羊脾                                                        
雞翼 + 焗薯

 
日式焗帶子                                                                     
香芒炒牛仔骨 + 香煎三文魚

近期作品~

自從搬左屋之後, 我又踏上整餅行列~ 水準當然不復當時勇啦, 不過都不過不失既~
其實仲有兩個chesse cake, 不過唔記得影相~ 而近期至愛整既反而係杞子桂花糕~ XD

 
榛子朱古力mousses cake, 簡稱『鳥巢蛋糕』XD          
呢個黑黑地既『焦糖蘋果蛋糕』

 
呢個就係乜decoration都無做既『芒果來心啫喱蛋糕』
仲有呢個至岩夏天食既『杞子桂花糕』!!!

Macaroon

呢個一定要報導, 因為實在係太難成功喇!!!! 我足足試左六七次先掂, 唉.. 真失敗!
無計啦, 我資質有限, 而且我後來先發覺原來我一路做錯左o的步驟, 唔怪之唔得啦~

今次既成功, 真係勁勁勁開心架!!!! 我仲襯埋自己整既士多啤梨醬添, 掂掂掂!!!!
 
Macaroon 就係由呢o的醬組成架喇~                             
個個都咁圓咁靚仔架~ =D

 
睇下條裙邊幾厚幾清晰!! 有模有樣呢~                         
配埋自製果醬係中間, 除左話勁掂之外, 我無其他形容詞 XD

大玩具

有睇『思肥大事簿』既都知我買左個新焗爐啦, 除此之外, 我仲買左個大玩具添~
佢就係萬能mixer喇, 有佢真係做少好多功夫架!!! 亦令我既整餅時間快左~
呵呵呵~ 佢真係好勁架, 除左mix野, 仲有好多功能~ 我實在太鍾意佢喇~