大閘蟹

今日真係有少少罪過. 成日都不停咁食野, 真係想瘦都幾難~ :P
 
除左食自家製甜品+Lunch之外, 我仲食左隻由遠方買來既時令食品 - 『大閘蟹』.  呢隻已經係我今年既第二隻喇, 睇怕quota都已經full左, 我既膽固醇指數又會再次上升喇~ =P

法式劇院蛋糕

今日除左整左個好豐富既Lunch之外, 我仲整左個『Opera Cake』~

呢款蛋糕平時就係o的高檔cake shop見得多, 但係我就未食過, 更加未整過. 
今次新手上路, 成績都算滿意, 但係decoration方面仍須努力. 
個朱古力面整得唔靚, 而且整左好耐都整唔到把朱古力扇...  -___-

haha... 不過我都仲未試味, 始終對咖啡製品興趣唔大, 所以都唔知好唔好食.  :P
P.S. 最後我妹妹仲用o的剩餘物資整左個卷蛋出黎.. 勁!

 

是日午餐 - 天使麵 + 雞翼 + 蛋撻

由於有朋自遠方來, 所以今日既午餐特別豐富, 整左幾樣野食, 佢地分別係:

1. 茄汁磨菇腸仔天使麵
2. 蜜汁雞翼
3. 酥皮蛋撻

頭果兩款無乜特別, 基本上都熟手技工架喇.  至於個酥皮蛋撻就係第二次整喇, 由於吸取左上次既經驗, 今次o的酥皮整得特別靚, 而且仲好鬆脆添(唔信的話, 睇睇Closeup, 真係好多層架) ~ 最後, 我仲用左o的剩餘物資整多左兩款小食: 1) 焗蛋 & 2) 三個酥. 

其實.... 個三個酥係未焗之前, 我覺得佢有o的似..... 一條under~  haha XD

蜜汁燒雞翼

由於上次因為天雨而無得燒野食, 所以今次自己整返黎補數~

燒雞翼~ 我鍾意食~ 蜜汁燒雞翼黎喇!!  :D~

酥皮蛋撻

第一次整酥皮蛋撻, 總共整左半打, 唔整都唔知要用咁多牛油+豬油...
由於第一次整, 唔知要整幾厚先為之正宗, 所以隻隻唔同, 有厚有薄~
上排中間果隻特別厚, 但係佢又好似最似樣喎~

牛油蛋糕仔

無整野食一排, 今日整左牛油蛋糕仔黎過下手癮.  唔算成功, 但係都可以接受, 下次再努力先~

 

珠澳逍遙遊

繼上年既『Pinga 東京自由行』之後, Pinga 今次就聯同豬女 Piglet 一齊去左珠海&澳門吃喝玩樂.  佢地一如以往, 食左好多好野, 以下係所到既食肆:

珠海 - 食神
珠海第一蠔果然係名不虛傳, 仍然都係好好味.  而我覺得最好味既, 莫過於係個酥皮蛋橽同菠蘿包.  佢地既海鮮亦都唔錯, 我地叫左蒜蓉粉絲蒸扇貝+椒鹽瀨尿蝦, 兩樣都好好味.  不過個薄撐就唔得喇, 太油.

珠海 - 大草原‧羊肉坊
佢係碼頭附近, 主要係食羊羊羊.  我地叫左個普通既羊肉湯底, 好膻唔係太好食.  總括黎講普普通通, 都係譚魚頭既好食o的, 但係就比較平囉.

澳門 - 海灣餐廳
主要係為左佢既甜品而選擇呢間舖頭. 我地叫左個薯蓉青菜湯, 白酒煮蜆同焗牛肋骨.  頭兩樣都唔錯, 但係個牛肋骨就唔係太好喇, 有o的靱.  至於個甜品, 我地叫左蛋白梳乎厘&木糠布甸. 個木糠布甸始終係無敵, 係我响澳門食過最好味既, 而個梳乎厘既賣相係一流.

澳門 - 坤記餐室
佢係一間好普通既餐室, 但係o的野食一o的都唔差, 而且價錢比起海灣平成半.  最喜愛係佢既炸馬介休球, 個味道好特別, 而個焗牛尾亦相當有水準, 好焾好入味.  如果想係澳門食餐平平地既葡菜, 而又唔講求環境的話, 坤記係一個唔錯既選擇.

澳門 - 其他
大利來豬扒包: 好多好多人排隊, 個包比塊豬扒仲要出色, 不妨一試.
天娜餅店: 完全俾佢呃左, o的木槺布甸一o的都唔好食, 好實...
禮記雪糕: 好傳統, 亦都好好食, 但係位置較隔涉.
義順牛奶店: o的雙皮奶好好味, 好滑, 不過其實同香港果間差不多 =P

想睇多o的相? 可以去『Pinga 珠海澳門逍遙遊』相薄睇下~

[中國‧香港] 十一黃金週

雖然之前提過我放假都要做野, 但係果幾日Annual Leave入面我都去左唔少食店食好野 =D~

發記甜品

次次係銅鑼灣食完『板前壽司』, 都會好想幫親隔離間『發記』, 主要係俾佢舖面既剪報吸引.  但係次次都人山人海, 門口排晒長龍.  所以今次就決定掉轉黎食, 先食甜品, 後食壽司.  當日, 我試左佢既招牌菜『香蕉酥皮卷』, 個賣相幾好, 幾吸引, 但係食落就覺得有o的乾, 總括黎講都係一般.  不過如果未食過既話, 試下都無妨, 不過就唔值得排長龍等佢喇...

見城日本料理

由於係Open Rice既評價相當之好, 所以就決定專程到訪, 一試佢既功力.  佢既地址相當隔涉, 唔係特登去, 都唔會行經果頭.  佢係一間好有日本特色既居酒屋, 睇得出某o的師傅/食客係日本人.  由於唔知食乜好, 所以就叫左個刺生 + 壽司 set lunch 喇.  o的刺生好新鮮, 而且某幾款係從來未食過既添 (e.g. baby salmon).  另外, 好欣賞佢既玉子刺生, 清楚見到個招牌名, 食落又唔太甜, 好好味.  仲有就係個刺生飯, 係超級好味, 連我呢個唔太愛食飯既人都想食晒佢.  最後就係隻番茄, 都係非常juicy, 好好味~~ =D~

(據聞係佢度食晚餐是天價的, 所以如果想平平地試下, 建議去食set lunch, 大約$1XX 一個人)

好時沙爹

佢都係睇Open Rice既評價專程到訪, 又係响o的隔涉既地方.  當日叫左佢地招牌菜: 沙爹串燒(豬牛雞各二),  咖喱牛腩同埋海南雞飯.  o的沙爹汁好好味, 好香濃, o的肉又嫩滑. 而個咖喱亦都好得, 同『老趙』既有得揮, 最好食係o的薯仔. 最後就係個海南雞飯, o的油飯超好食, 而碟雞好嫩口.  佢絶對係好食兼抵食, 下次去開尖東, 都會再去幫襯 =D~

企鵝攻城記

講開企鵝, 唔知大家近排有無去過『奧海城』, 果度依家聚集左數百隻企鵝係度求偶/覓食, 佢地係人都唔放過, 包圍左成個商場... 呢o的企鵝好惡架, 佢地為左爭食, 乜都做得出, 以下係我見過既例子:

企鵝爭的士事件

依家係的士站入口, 大約有三十隻企鵝聚集, 每當有的士駛入而其中一隻企鵝起步追既時候, 其他企鵝都會一致響應, 包圍成架的士.  o的企鵝會左推右撞, 為求zip位, 不擇手段.  隨之, 三度車門同時會被打開, o的企鵝會不停遞上傳單黎求偶..... 而車中事主根本就落唔到車, 我仲聽見佢不停係車內叫喊『痴線架, 唔俾人落車, 痴線架!! 痴線架!!』... 咁都未算, 當尾隨既另一架的士駛入, 有一隻醒目既企鵝搶先走去搭訕, 當然同時亦引黎另一批企鵝跟住去啦.  係呢個時候, 我突然見到果隻醒目既企鵝心灰意冷咁回頭, 原來..... 係架的士入面, 已經載住左另一隻企鵝, 佢仲以皇者姿態走出的士添(勁!!)... 跟住其他小企鵝就散開晒, 返去之前果架的士度繼續求偶喇... 場面之誇張, 唔係親眼目睹, 都唔相信.....

企鵝爭仔事件

其實依家已經甚少人會朝向TrendyLand果邊行架喇, 因為果邊係企鵝既密集區, o的企鵝會對你虎視眈眈.  但係我就見到有個傻佬拖住女友好大膽咁行去果邊, 一如預計, 一班企鵝即時埋身肉搏圍住佢地.  當事人仲打算以速度衝出重圍, 當然o的企鵝亦唔輸蝕, 築起企鵝牆, 阻擋去路, 迫左佢地埋柱. 結果.... 佢地唯有乖乖就犯.... 

睇左咁耐, 唔明我講乜?! 你睇下幅相就明架喇..... XD

仲係唔明?! 等我講得白o的啦..... 我口中所指既『企鵝』, 其實係指『地產經紀』.  佢地隻隻都西裝骨骨, 不停向路人求偶(sale 樓盤).  而且佢地成堆咁聚埋一齊, 十足十一堆企鵝圍埋係度取暖.  由於sale到一個樓盤分分鐘可以分成十皮, 所以佢地都相當之搏命.... 

奉勸各位無乜特別事, 千祈唔好去奧海城一帶出没.... XD

 

小企鵝‧大長征

已去看過『小企鵝‧大長征』, 整體上感覺不錯.  其實佢係一套紀錄片, 主要係記載企鵝求偶至孕育下一代既過程.  當中你會發現原來企鵝係需要經過一個好刻苦的過程(e.g. 五個月捱餓) 才能生兒育女.  另外不得不提, 拍攝既工作人員都好犀利, 長留冰天雪地成九個月, 仲影到o的咁靚既畫面... 勁!!

點解問點解

現在是零晨二時三十分, 對於一個請了Annual Leave 的人, 理應在熟睡中/在街浦通頂. 但係... 點解我會係因為工作而未訓? 點解無啦啦要趕o的唔關我事既野? 點解偏偏選中我?!

算... 答案只得一個.... This is my life.... 我認命!! 你整我唔死既~~