[日本‧函館] 田ざわ

呵呵, 又到重點食店時間喇, 今次去左全日本天ぷら第四位既『田ざわ』. 老實說, 我猶豫左好耐去唔去函館, 亦諗左好耐黎唔黎呢間食, 因為佢都算貴..... 最後決定為左佢而黎函館, 而呢個決定係.... 絶對正確的!!!!!

呢餐, 令我地知道乜野係 Art of Japan Food. 一般人會覺得天麩羅只係一團粉漿包住o的食物, 但... 原來不是的. 佢每一件都好似藝術品咁, 你見條魚就知佢既心機, 佢唔係求奇的點粉漿的, 因為炸完條魚既形態仲活生生咁, o的鰭企晒响度...非常勁!!

當中最suprise 係粟米, 外表完全估唔到, 而味道非常非常之甜, 超好味!! =D

由於言語不通, 婆婆好好咁每件食物都拎返相對既圖片出黎解釋, 真係唔講都唔知佢地既名.... 最後伯伯仲好搞笑咁拎住個相機同我地影相添~

伯伯就退休架喇, 大家想食既就要快喇~ 最後, 多謝フィリップ幫我地訂位, 無你, 我都品嚐唔到呢一餐~

田ざわ:
http://r.tabelog.com/hokkaido/A0105/A010501/1000077/
http://gourmet.hakonavi.ne.jp/nihon/tazawa.html