人怕出名, 豬怕肥

已經有一段長時間無整過切餅喇....  睇返個blog, 先知原來有成5個月咁耐!!!
近排比較喜歡整別緻小蛋糕/簡單款式既大蛋糕~ 原因好簡單.. 
別緻小蛋糕可以玩層層疊, 難度較高而滿足感亦較大, 而簡單蛋糕就爸爸媽媽鍾意食囉~ =D

今次整呢兩個蛋糕完全係因為有人request, 如果唔係我都唔會病住都開夜車~
正所謂... 人怕出名, 豬怕肥... 估唔到連 client 都掛住我o的餅, 真係勁!! XD
為左快夾靚, 我揀左個比較易整既『藍莓芝士餅』同比較特別既『雙層榛子朱古力慕斯蛋糕』~
 

如果無記錯, 我第一個帶返公司請同事食既焗餅, 應該都係呢隻 Blueberry Cheese Cake~
我都好耐無整過佢喇, 始終 Cheese Cake 都真係少食為妙, 如果唔係膽固醇過高就弊!
不過今次有少少失手丫, 等個蛋糕放左入爐先發現唔記得落酸忌廉, 希望對個口感影響唔大啦~ @_@

至於個 Praline Chocolate Mousses Cake, 就真係有少少懶....
為左慳時間, 我無自已焗個古古力蛋糕, 選擇買個現成既,  如果唔係都唔知幾點有得訓~ z_Z
至於個 decoration 呢~ 就唔係太諗到, 所以求求其其, 唔太失禮就算, 希望佢地喜愛啦~ =P

haha.. 突然諗起, 唔知公司有無人都掛住我....... o的餅呢?! XD