長方南瓜甜包 & 有機三豆甜包

呢次學既係: 長方南瓜甜包 & 有機三豆甜包
我對呢兩個包既喜愛程度都真係好低, 外型一o的都唔吸引, 不過就較健康...
學之前果晚我去左唱通宵K, 搞到個人呆呆地, 所以做既時候都唔係太知自己做緊乜.. =P
製成品個樣都okay啦, 不過我屋企人唔食南瓜, 搞到無人食 >_<

 
有機三豆包: 外型幾得意, o的豆慢慢浮出黎~    
長方南瓜包: 甜甜地, 好大陣南瓜味~

蕃薯軟包 & 咖喱軟包

今次整既係: 蕃薯軟包 & 咖喱軟包
呢個包既質地好軟綿綿, 非常好味, 不過就較飽.. (成條蕃薯係內面喎, 梗係啦~)
拎到返屋企好快就沽清, 我諗遲o的會係屋企再整多次~ 呢排真係太忙喇, 無時間.... >_<

  

蕃薯軟包: 幾似一舊蕃薯?! 同街既有得揮~         
咖喱軟包: 味道同外表都幾似一個中東包~

忌廉磨菇撻 & 意大利香草包

又到左上堂既日子, 今次學既係: 忌廉磨菇撻 & 意大利香草包
依家上堂一次比一次hea, 唔知係熟習左, 定係真係太簡單...
磨菇撻好易整, 兩三下手勢就搞掂~ 至於個意大利包就更簡單, 搓好粉由佢發酵..
咁岩果日同朋友慶生, 我就拎左個磨菇撻出黎一齊食... 嘩.. 真係飽到呢...
不過事實又再一次証明.... o的野唔熱真係唔好食架~ :S

 
忌廉磨菇撻: 勁大個又勁飽~                               
意大利香草包: 我成個星期既早餐~ XD

丹麥酥皮包 & 丹麥肉桂卷

話咁快就第三堂喇, 今次學既係: 丹麥酥 & 丹麥肉桂卷
丹麥酥平時就食得多, 但就無諗過自己整~ 原來都係用酥皮做架喎~
今次整既酥皮同以前既有少少唔同, 係用傳統既牛油做, 而唔係酥油~ 所以較香~

不過呢, 我就發覺自己對做丹麥酥無乜天份, 整極個樣都唔夠靚... 睇黎我要練習多o的先得喇~

 
玉桂卷: 內有提子&果粒                                        
丹麥酥: 有好多唔同既款架

芝士酥皮叉燒酥 & 南瓜脆皮飽

終於都上第二堂喇, 今次做既有: 芝士酥皮叉燒酥 & 南瓜脆皮飽
今次無上次咁忙, 不過搓粉就辛苦左, 因為做既係脆皮飽, 個麵糰較為硬身~
而個芝士酥皮就係阿 sir 自創既, 又易整又好味, 都咪話唔勁!!!

我地好快就做好o的飽, 雖然個南瓜飽唔夠挺身, 不過都幾靚丫~
老師仲做左o的『意式麵包條』俾我地試食, 引誘我地報讀下個循環添~ 不過其實我都報硬架啦!! XDD

 
叉燒酥: 好香, 好好味~ 同酒樓既一樣...               
南瓜脆皮飽: 個面好脆架, 而個造型仲係05年nike款~

花生卷, 椰賓, 辮子包 & 英式鬆餅

哈哈, 近排喜歡上整包, 仲 join 埋course添, 今次去既係响佐敦既『私房蛋糕』~
初初見佢成三佰幾蚊一堂, 都覺得貴架.... 『朝日』都係佰多o的之嘛...
但係見佢既時間幾好, 學既包又有特式, 而且又係循環堂, 學既野連貫o的, 咪去玩下囉~
不過上完第一堂之後就覺得非常值得!!! =D =D =D

第一堂我地學既有: 花生卷, 椰賓, 辮子包 & 英式鬆餅....
好老實講, 呢堂响個循環course入面係最唔吸引我既, 因為係港式包, 而且我都唔食既...
但係整完之後, 完全覺得掂!! o的包非常得, 亦學到好多technique, 比朝日仲要好~
我地上次响朝日都幾hea下架, 而呢度就好趕, 因為要係3個鐘入面做好多唔同既包...
我真係幾懷疑一o的完全無基礎既人跟唔跟到... 不過呢, 我就鍾意呢度多過朝日喇~
老師好明顯係响餅房出身, 佢知好多書本以外既知識, 始終整飽經驗係好緊要既...
加上成個過程好似响餅房入面咁~ 趕住趕住, 想抖陣都唔得~ 幾好玩下~ XD

哈哈, 雖然係忙, 但係我都有派最新既小企鵝做 Model 影相架~ 幾勁!! (多謝 shirley!!)

真的謝謝柏琪既好介紹, 唔係佢, 我應該唔會知呢間野既存在, 亦無機會學整包~  謝謝~

  
花生卷: 花生味非常香濃, 好正~
椰賓: 勁大個, 爸爸非常喜歡!!

  
 辮子包: 六條辮架, 我用左好多心機去扎~          
英式鬆餅: 一路整佢, 一路諗起吉吉哥.. 佢既至愛~ :P

係呀.. 麻煩邊位想食包既, 星期六晚約我食飯丫, 我有好多貨, 足夠做一個星期早餐~ XDDDD

橙皮果醬

『英式鬆餅』 最適合就係配忌廉 / 果醬一齊食~
我返到屋企, 就即刻拎樽自家製士多啤梨醬出黎搽, 果種滋味真係勁勁勁得!!!

我見樽士多啤梨醬就黎無晒, 就整左樽『橙皮果醬』頂上~ 呵呵呵, 又有得搽喇~  =DD
不過橙味比士多啤梨麻煩好多, 下次都係試整藍莓先~ =P
 

士多啤梨果醬

哈哈, 唔好以為我淨係整左頭先果幾樣野... 我仲整埋『士多啤梨果醬』架....
係, 你無睇左, 果醬都可以自己整, 而且過程仲非常簡單添~ =D

不過今次好似有o的甜, 下次等我再減多o的糖先~ 謝謝柏琪提供食譜 =D

腸仔飽

其實無諗過會係屋企整飽, 不過諗住學完應該要練習下, 所以就整左『腸仔飽』黎做午餐~

係屋企整比出去學難整好多... 因為無雲石枱,  搓唔到粉, 只可以係個盤度撻舊麵糰...
所以搞左好耐個麵糰先起筋, 不過佢就發得比上堂大, 可能係多時間既關係啦~
為左搞搞新意思, 我將其中兩個包做左唔同既造型.. 其實有諗過整pingu出黎架, 不過都係算啦~ =P
呵, 今次個包好明顯比上次大, 不過就較粗糙 >_<

 

香蕉蛋糕 + 紐約芝士餅

我承認我愛上『香蕉蛋糕』 ... 原因非常簡單, 因為易整又香, 做早餐至岩~ =P

不過今次整蛋糕都有o的阻滯...
話說我星期一就已經買左o的青bit bit既蕉返屋企, 諗住weekend夠熟就整得啦...
點知星期四見o的蕉已經俾人食晒, 我咪唯有買過另一批囉, 點知o的蕉一入門口, 我妹妹又拎黎食..
明明仲青, 佢都話熟晒岩食... 跟住我阿哥又食, 爭o的俾佢地搞到我無得整, 真係激死 >_<

另外除左香蕉蛋糕之外, 我仲整左一個好濃既『紐約芝士餅』... 真係好耐都無食過喇~ =D

 

腸仔飽 & 菠蘿飽

我一向對於整麵飽存在偏見... 試諗下..
一個只係價值幾蚊既飽, 需要用幾個鐘黎發酵, 值得嗎?! 呢個就係我一路唔整既原因.

近排識左個新朋友, 佢對學整飽好有興趣, 我見好似幾得意, 又平平地, 咪join囉~
一班女仔紫娃娃一定好開心, 而且體驗下整飽既樂趣都好嘛, 當識多樣野~
就係咁, 我就上左第一堂 『腸仔飽 + 菠蘿飽』, 點解揀呢兩種包? 因為係賣飛忽囉~ XDD

原來整飽既發酵時間比我想像中少, 只係所需要既力氣比較多, 搓麵糰好辛苦呢~
不過對於有整開野食既我, 唔係太難, 我覺得碌酥皮仲攰啦, 依家都係搓下又撻下咁唧~
呵~ 話咁快我個仔就出世喇, 兩個都好靚仔~ 只係略嫌腸仔飽唔夠色, 未算係prefect~
至於個菠蘿飽呢, 我覺得個外表有o的似KFC個蜜糖鬆餅, 而食落就唔比『金華』既差 (岩岩出爐果陣 =P)
 

經此一學, 我覺得整飽都幾得意, 亦有興趣再學多o的~ 好.. 等我遲o的睇下工聯會o的課程先~ :D

簡單蛋糕

其實除左整曲奇之外, 我今年仲整左另外兩個蛋糕...
一個係『香蕉蛋糕』, 另一個係『焦糖蘋果蛋糕』

我一向都好鍾意呢兩款蛋糕, 清清地又快手, 加上又岩老人家食~
而且焗果時果陣香味真係好好聞, 尤其係香蕉蛋糕~ :DD
好... 等我遲o的整返o的muffin先~ 好耐無食過喇~

 

唧花牛油曲奇

我已經好耐無再整餅喇, 除左忙之外, 仲因為無左一班我愛既同事係身邊...

最近... 認識左一位新朋友, 佢都係整餅愛好者, 睇見佢日日整餅, 令我再次心動~
前晚溏心飯局, 咁岩傾開整餅, 佢就俾左一個『 唧花牛油曲奇』既食譜我~
老實講, 曲奇一向都係我既弱項, 次次整親都硬掘掘, 一o的都唔鬆化...
好喇, 既然收到新食譜, 個人又心郁郁, 所以一於唔理咁多, 即刻開爐作法~

呵呵~ 製成品話咁快就出世, 而且仲好掂添~ 我從未試過o的餅咁脆架!!!
我仲跟足指示, 用手指篤餅底黎 ensure 佢夠唔夠熟... 呢招真係好work!!
我好貪心咁整左兩隻味道: 雲呢嗱 & 檸檬!! 兩個都好好味~ 柏琪... 多謝你呀~
 

關西之旅 Day 11 - 空港 + 後記

相片: 關西空港

T.B.C.

關西之旅 Day 10 - 東福寺 + 京都駅

相片: 難波, 東福寺, 京都駅, 四条

T.B.C

關西之旅 Day 9 - 保津峽 + 嵐山

相片: 保津峽, 龜岡, 馬崛, 嵐山, 四条

T.B.C.

相關資料:
近畿紅葉とれたて便: http://www.rurubu.com/season/autumn/koyo/area.asp?area=4
嵐山 嵯峨野トロッコ列車: http://www.sagano-kanko.co.jp/index.php
かづら野 清修庵 (豆腐料理): http://seisyuan.com/kadurano.htm

關西之旅 Day 8 - 祇園 + 清水寺

相片: 二条, 祗園, 八坂神社, 清水寺, 四条
 
T.B.C.
 
相關資料:
清水寺: http://www.kiyomizudera.or.jp/aki.html

關西之旅 Day 7 - 有馬 + 天保山

相片: 有馬, 天保山, 海遊館, 心斎橋

一朝早起身, 我地又再一次去浸溫泉~ 之後就去餐廳食我地既豐富早飯~
我地就勁喇, 有龍蝦做湯底, 不過呢... 我覺得味道好一般咋, 都係鍾意白浜條燒魚多o的~ =P
食飽飽, 我地執埋o的行李, 就checkout離開旅館, 到附近既小店行行, 不過就無收穫~


之後, 我地又再展開漫長之旅, 出返大阪, 去位於【天保山】既【海遊館】睇企鵝!!
不過睇企鵝之前, 首要任務就係醫肚~ 所以見到有燒墨魚丸當然唔會放過啦~
 跟住我地仲去左好出名既【北極星】食蛋包飯添~ 真係好好味架~ :DDD
 

食飽飽, 我地就去探朋友~ 海遊館都有唔少品種既企鵝架~ 有o的好hea, 有o的就係度打交~
我地仲見到一隻出世只有25日既小企鵝添~ 全身黑色, 毛都未甩, 唔講都唔知佢係企鵝丫~
除左企鵝, 我地仲見到海底聖誕老人, 都幾得意架~ 真係日本人先諗得到~ :P
不過好老實講, 我覺得海遊館無乜野睇... 除左企鵝之外, 海洋公園絶對勁過佢好多好多~
唯一比較可取既, 就係賣手信既既地方, 真係好多好多野買架, 企鵝軍團!! 勁勁勁!  XDD


探完朋友我地就出返難波 hea, 首先係去B1 食甜品, 今次食左個Opera + 吉士新地 (成日都食 :P)
跟住就去左【高島屋】Shopping~ 我仲係【ポール・スミス】, 睇中左件桃紅色大褸添~ 不過由於太貴, 所以無買到~

我地又再一次shop到人地閂門, 跟住就去左附近既【Pepper Lunch】醫肚, 叫左兩份鐵板肥牛~
佢地o的set真係好抵架, 1000円都唔駛就有雪霜肥牛既質素, 下次再去日本, 都要再搵幾食~
就係咁, 我地就完成左大阪遊, 明日開始就去古城【京都】喇~ :DDD

 

相關資料:
海遊館: http://www.kaiyukan.com/index.html
OSAKA海遊きっぷ: https://www.kotsu.city.osaka.jp/information/ticket/benri/kaiyu/18/kaiyu_2006.html
鐵板霜降牛扒Pepper Lunch: http://www.pepperlunch.com 

關西之旅 Day 6 - 姬路 + 有馬

相片: 姬路城, 好古園, 有馬

經過幾日既大阪遊, 今日轉移陣地, 去較遠既【姬路城】同【有馬溫泉】~
其實都幾遠架, 由大阪去姬路大約要兩個鐘車程, 不過為左睇真正既古城, 都值得既~
我地一早就帶住疲累既身軀&少量既行李出發, 經過千山萬水, 終於係中午時份到逹~

姬路城都真係既壯觀架, 無論近景定遠景, 影出黎既相張張都好似postcard咁...

而且呢度係大奧既主要拍攝場地, 到處都係城堡同日式園景, 好有【德川幕府】既色彩~
其實感覺幾得意, 由一個繁榮既都巿慢慢行到去一座古城, 好似入左時光隧道咁~ =P

不過由於太曬, 所以只影景, 無影人 (都怪有人掛住自己shopping, 唔俾我買太陽眼鏡啦 >_<)
經過多座城門同曲折既山路, 我地慢慢爬到【天守閣】 (真係爬的, 因為樓梯斜度超過60度)
不過上到頂樓360度望晒成個姬路城又真係幾靚既~  我地仲係姬路城附近見到【十月櫻】添~
去完【姬路城】, 順道過埋隔離既【好古園】, 但係我就覺得無野睇, 完全係晒錢晒時間 =_=
 

行完古城, 我地又再返回現實... 搵食!! 我地去左一間拉麵店食我地既早午餐+下午茶...
雖則我唔鍾意食拉麵, 但係呢間都算做okay架喇~ 我地叫左兩個叉燒拉麵, 仲有一碟餃子(1700円)
食飽飽, 我地就再一次展開漫長之旅... 入【有馬】喇! (我記得有人仲想入PS, 要鬧佢先肯走 =_=)

去到【有馬】, 都差不多七點半, 我地唯有直接去旅館【陵楓閣 】, 第二日先周圍行啦~
我地首先去浸溫泉...  佢地都幾得意, 男女浴場每日早晚會對調, 等大家都可以享受唔同既風呂..
跟住我地就食豐富既懷石料理, 我仲加左 3675円要多隻伊勢海老添(個頭第二日仲拎左黎煲湯)
不過呢, 我覺得個餐 so so咋, 箱根【對星館】好食佢好多, 相對地間房亦比較大&新~
 

食飽飽無野做, 我地就靜雞雞係自己個內園度玩花火(係白浜帶黎既)...
我仲一時忘形, 差o的燒著左隻浴袍... 不過煙花又真係幾靚幾好玩既~~ =P
 

相關資料:
陵楓閣: http://www.negiya.jp/shukuhaku.html

關西之旅 Day 5 - 池田 + 神戶

相片: 池田, 三宮, 神戶港

今日既節目好特別, 就係... 整杯麵!!! 係.. 你無睇錯, 杯麵都可以親手整, 仲好得意既添~
我地一早就搭車去到池田既【日清杯麵博物館】, 佢既展館有講解公仔麵既發展進程&演變.
不過我地無join佢既公仔麵製造見學(i.e. 自己炸麵條), 因為全日文之餘, 亦非常難book...
所以我地就玩左自製杯麵(300円)~ 整既方法好簡單: 1) 係自動販賣機俾錢買杯 + 消毒雙手...
2) 用你既創意係隻杯畫公仔 3) 俾隻杯姐姐等佢幫你壓個麵入去 4) 揀餸&湯底 5) 封蓋+包裝
佢仲有個吹氣 Packing添~ 就係咁... 一個獨一無二既杯麵就誕生喇~ :D :D :D
我地好努力咁畫畫畫, 最終整左七大個杯麵~ 其實想整更多, 不過時間有限, 畫唔切....
我地仲將其中兩個製成品斜"咩"係身, 不知引黎幾多人既羨慕目光 (連日本人都問我地係邊整)~ XDD
 

為左整杯麵, 我地比原定schedule晏左離開, 差唔多兩點半先去到三宮既【ステーキランド ＫＯＢＥ】
今次真係弊傢伙, 趕唔切叫set既話, 散叫價錢會貴兩倍... 我地唯有扮傻, 用英文死話要set lunch~
點知佢又肯喎.. 我見隔離個日文menu已經收晒o的 set lunch牌, 係英文menu先仲有咋~~ yeah~
我地叫左一份和牛+一份普通牛 (共5460円), 兩個都超級好食~ :D :D

食飽飽, 我地就去shopping喇~ 有人又再瘋狂購物~ 我地仲同靚靚sales姐姐影相添~
之後我地就去左【Sweet Harbour】~  一個集合全國好多蛋糕/甜點店舖既地方!
不過呢... 我完全覺得有受騙既感覺, o的cake好唔得, 無特色, 百貨公司B1果o的靚佢幾廿倍~ -_-
最後我只係要左個北海道牛乳布甸~ um... 都叫okay好味, 牛奶味好重~
 

之後我地去左【Mosaic Harborland】, 不過就無乜野睇, 又無乜野食吸引...
所以我地影完神戶港個摩天輪, 同埋一o的夜景就閃人, 出返去梅田搵食~
我地去左【あじびる 花心 】諗住食關西風すき焼, 但係唔知點解變左sabu-sabu 放題 (@2700円)
不過唔緊要啦, 一樣照殺! 因為已經超肚餓, 我地仲食左好多好多碟添~ 都叫唔錯~
 

相關資料
日清杯麵博物館: http://www.nissin-noodles.com/index_new.html
ステーキランド ＫＯＢＥ: http://www.sankita.com/store/store_page.asp?mem_num=39
Sweet Harbour: http://www.beeskiss.com/sweets_index.php

あじびる 花心: http://www.shonan-inet.or.jp/~chiba/kurau.htm