紐西蘭企鵝之旅 - 前言 II

好明顯, 等我寫晒十五日既遊記就真係有排等..... (上次關西既我都未寫完 >_<)
為左唔好等, 大家都係睇住相先啦~ 不過subset 都有成 880 張, u 諗 u 啦...
要睇晒佢地真係好考耐性~ 加上..... 佢地幅幅都差唔多 =P

紐西蘭企鵝之旅 - 前言

【紐西蘭】真係一個非常非常值得去既地方, 仲應該襯後生去既添!!
果度o的風景靚得好緊要, 影出黎既相張張都好似postcard咁, 不得不讚造物主既偉大~ :D
我好相信將來我會再踏觸呢個國家, 因為好多地方都未去, 而且今次既旅程亦有少少遺憾...
就係.... 玩唔到任何刺激活動!!! 唉... 一係就係個天唔爭氣, 一係就有突發事件要處理....
不過我都算喇, 可能係個天俾我既啟示, 唯有留待下一次啦~ 好... 等我又講講個原定既行程先:

 

Day 01: Hong Kong -> Auckland
Day 02: Auckland
Day 03: Auckland
Day 04: Auckland -> Waitomo Caves -> Rotorua -> Auckland
Day 05: Auckland -> Christchurch
Day 06: Christchurch -> Lake Tekapo
Day 07: Lake Tekapo -> Dunedin
Day 08: Dunedin
Day 09: Dunedin -> Te Anau
Day 10: Te Anau -> Milford -> Queenstown
Day 11: Queenstown
Day 12: Queenstown -> Wanaka
Day 13: Wanaka -> Franz Josef
Day 14: Franz Josef -> Christchurch
Day 15: Christchurch -> Auckland -> Hong Kong

唔好以為15日好多喎, 遊NZ 真係唔夠架, 不過無法啦, 要趕返黎過年...  唯有等下次~

車打芝士洋葱祼麥軟包, 山形白麵包 & 蒜香野菜方包

今次學既係: 車打芝士洋葱祼麥軟包, 山形白麵包 & 蒜香野菜方包
第一款就好香芝士味, 而方包就非常軟熟, 好食過街買果o的好多, 仲好健康添~ 正~

 
車打芝士洋葱祼麥軟包                                        
山形白麵包 & 蒜香野菜方包

菠蘿包, 腸仔包, 雞尾包 & 椰撻

今次整既可謂港式包大集滙, 分別有: 菠蘿包, 腸仔包, 雞尾包 & 椰撻
本身我對今課無乜企望, 因為菠蘿包&腸仔包之前已經學過, 點知...
好掂囉... 個包身好軟, 比起之前學既好好多, 而雞尾包同椰撻就更掂, 老人家勁like~ =D

   
菠蘿包, 腸仔包 &雞尾包                                          椰撻

脆皮小茴籽祼麥包, 墨西哥包 & 辮子包

今次整既有硬包同軟包, 硬包有: 脆皮小茴籽祼麥包
而軟包就有: 朱古力墨西哥, 奶油墨西哥 & 辮子包
我自己一向都好like 墨西哥包, 軟軟的, 非常好食, 我仲整得好靚下架~
而辮子包我就係用淨返既甜包料整既, 好辛苦先記得點扎o的辮仔咋... =P

   
脆皮小茴籽祼麥包                                                
朱古力墨西哥 & 奶油墨西哥                               
辮子包

栗子酥皮包, 蘋果酥皮包 & 意大利麵包條

今次整既係: 栗子酥皮包, 蘋果酥皮包 & 意大利麵包條
酥皮包我就整得唔係咁好喇, o的油爆晒出黎, 不過好彩個樣都叫見得下人~
至於個麵包條我就好like喇, 唔會話焗得太燶, 但係亦都夠脆, 襯湯食一流... =D

   

蘋果酥皮包                                                            
栗子酥皮包                                                            
意大利麵包條

脆身意大利香草包

由於事務繁忙, 好耐都無update呢個blog喇... 就等我一次過update啦~
呢次整既係: 脆身意大利香草包, 同場仲準備埋下堂要用既酥皮添...
呢個包比較油, 但係食落就好香口, 幾都好味~


脆身意大利香草包

長方南瓜甜包 & 有機三豆甜包

呢次學既係: 長方南瓜甜包 & 有機三豆甜包
我對呢兩個包既喜愛程度都真係好低, 外型一o的都唔吸引, 不過就較健康...
學之前果晚我去左唱通宵K, 搞到個人呆呆地, 所以做既時候都唔係太知自己做緊乜.. =P
製成品個樣都okay啦, 不過我屋企人唔食南瓜, 搞到無人食 >_<

 
有機三豆包: 外型幾得意, o的豆慢慢浮出黎~    
長方南瓜包: 甜甜地, 好大陣南瓜味~

蕃薯軟包 & 咖喱軟包

今次整既係: 蕃薯軟包 & 咖喱軟包
呢個包既質地好軟綿綿, 非常好味, 不過就較飽.. (成條蕃薯係內面喎, 梗係啦~)
拎到返屋企好快就沽清, 我諗遲o的會係屋企再整多次~ 呢排真係太忙喇, 無時間.... >_<

  

蕃薯軟包: 幾似一舊蕃薯?! 同街既有得揮~         
咖喱軟包: 味道同外表都幾似一個中東包~

忌廉磨菇撻 & 意大利香草包

又到左上堂既日子, 今次學既係: 忌廉磨菇撻 & 意大利香草包
依家上堂一次比一次hea, 唔知係熟習左, 定係真係太簡單...
磨菇撻好易整, 兩三下手勢就搞掂~ 至於個意大利包就更簡單, 搓好粉由佢發酵..
咁岩果日同朋友慶生, 我就拎左個磨菇撻出黎一齊食... 嘩.. 真係飽到呢...
不過事實又再一次証明.... o的野唔熱真係唔好食架~ :S

 
忌廉磨菇撻: 勁大個又勁飽~                               
意大利香草包: 我成個星期既早餐~ XD

丹麥酥皮包 & 丹麥肉桂卷

話咁快就第三堂喇, 今次學既係: 丹麥酥 & 丹麥肉桂卷
丹麥酥平時就食得多, 但就無諗過自己整~ 原來都係用酥皮做架喎~
今次整既酥皮同以前既有少少唔同, 係用傳統既牛油做, 而唔係酥油~ 所以較香~

不過呢, 我就發覺自己對做丹麥酥無乜天份, 整極個樣都唔夠靚... 睇黎我要練習多o的先得喇~

 
玉桂卷: 內有提子&果粒                                        
丹麥酥: 有好多唔同既款架

芝士酥皮叉燒酥 & 南瓜脆皮飽

終於都上第二堂喇, 今次做既有: 芝士酥皮叉燒酥 & 南瓜脆皮飽
今次無上次咁忙, 不過搓粉就辛苦左, 因為做既係脆皮飽, 個麵糰較為硬身~
而個芝士酥皮就係阿 sir 自創既, 又易整又好味, 都咪話唔勁!!!

我地好快就做好o的飽, 雖然個南瓜飽唔夠挺身, 不過都幾靚丫~
老師仲做左o的『意式麵包條』俾我地試食, 引誘我地報讀下個循環添~ 不過其實我都報硬架啦!! XDD

 
叉燒酥: 好香, 好好味~ 同酒樓既一樣...               
南瓜脆皮飽: 個面好脆架, 而個造型仲係05年nike款~

花生卷, 椰賓, 辮子包 & 英式鬆餅

哈哈, 近排喜歡上整包, 仲 join 埋course添, 今次去既係响佐敦既『私房蛋糕』~
初初見佢成三佰幾蚊一堂, 都覺得貴架.... 『朝日』都係佰多o的之嘛...
但係見佢既時間幾好, 學既包又有特式, 而且又係循環堂, 學既野連貫o的, 咪去玩下囉~
不過上完第一堂之後就覺得非常值得!!! =D =D =D

第一堂我地學既有: 花生卷, 椰賓, 辮子包 & 英式鬆餅....
好老實講, 呢堂响個循環course入面係最唔吸引我既, 因為係港式包, 而且我都唔食既...
但係整完之後, 完全覺得掂!! o的包非常得, 亦學到好多technique, 比朝日仲要好~
我地上次响朝日都幾hea下架, 而呢度就好趕, 因為要係3個鐘入面做好多唔同既包...
我真係幾懷疑一o的完全無基礎既人跟唔跟到... 不過呢, 我就鍾意呢度多過朝日喇~
老師好明顯係响餅房出身, 佢知好多書本以外既知識, 始終整飽經驗係好緊要既...
加上成個過程好似响餅房入面咁~ 趕住趕住, 想抖陣都唔得~ 幾好玩下~ XD

哈哈, 雖然係忙, 但係我都有派最新既小企鵝做 Model 影相架~ 幾勁!! (多謝 shirley!!)

真的謝謝柏琪既好介紹, 唔係佢, 我應該唔會知呢間野既存在, 亦無機會學整包~  謝謝~

  
花生卷: 花生味非常香濃, 好正~
椰賓: 勁大個, 爸爸非常喜歡!!

  
 辮子包: 六條辮架, 我用左好多心機去扎~          
英式鬆餅: 一路整佢, 一路諗起吉吉哥.. 佢既至愛~ :P

係呀.. 麻煩邊位想食包既, 星期六晚約我食飯丫, 我有好多貨, 足夠做一個星期早餐~ XDDDD

橙皮果醬

『英式鬆餅』 最適合就係配忌廉 / 果醬一齊食~
我返到屋企, 就即刻拎樽自家製士多啤梨醬出黎搽, 果種滋味真係勁勁勁得!!!

我見樽士多啤梨醬就黎無晒, 就整左樽『橙皮果醬』頂上~ 呵呵呵, 又有得搽喇~  =DD
不過橙味比士多啤梨麻煩好多, 下次都係試整藍莓先~ =P
 

士多啤梨果醬

哈哈, 唔好以為我淨係整左頭先果幾樣野... 我仲整埋『士多啤梨果醬』架....
係, 你無睇左, 果醬都可以自己整, 而且過程仲非常簡單添~ =D

不過今次好似有o的甜, 下次等我再減多o的糖先~ 謝謝柏琪提供食譜 =D

腸仔飽

其實無諗過會係屋企整飽, 不過諗住學完應該要練習下, 所以就整左『腸仔飽』黎做午餐~

係屋企整比出去學難整好多... 因為無雲石枱,  搓唔到粉, 只可以係個盤度撻舊麵糰...
所以搞左好耐個麵糰先起筋, 不過佢就發得比上堂大, 可能係多時間既關係啦~
為左搞搞新意思, 我將其中兩個包做左唔同既造型.. 其實有諗過整pingu出黎架, 不過都係算啦~ =P
呵, 今次個包好明顯比上次大, 不過就較粗糙 >_<

 

香蕉蛋糕 + 紐約芝士餅

我承認我愛上『香蕉蛋糕』 ... 原因非常簡單, 因為易整又香, 做早餐至岩~ =P

不過今次整蛋糕都有o的阻滯...
話說我星期一就已經買左o的青bit bit既蕉返屋企, 諗住weekend夠熟就整得啦...
點知星期四見o的蕉已經俾人食晒, 我咪唯有買過另一批囉, 點知o的蕉一入門口, 我妹妹又拎黎食..
明明仲青, 佢都話熟晒岩食... 跟住我阿哥又食, 爭o的俾佢地搞到我無得整, 真係激死 >_<

另外除左香蕉蛋糕之外, 我仲整左一個好濃既『紐約芝士餅』... 真係好耐都無食過喇~ =D

 

腸仔飽 & 菠蘿飽

我一向對於整麵飽存在偏見... 試諗下..
一個只係價值幾蚊既飽, 需要用幾個鐘黎發酵, 值得嗎?! 呢個就係我一路唔整既原因.

近排識左個新朋友, 佢對學整飽好有興趣, 我見好似幾得意, 又平平地, 咪join囉~
一班女仔紫娃娃一定好開心, 而且體驗下整飽既樂趣都好嘛, 當識多樣野~
就係咁, 我就上左第一堂 『腸仔飽 + 菠蘿飽』, 點解揀呢兩種包? 因為係賣飛忽囉~ XDD

原來整飽既發酵時間比我想像中少, 只係所需要既力氣比較多, 搓麵糰好辛苦呢~
不過對於有整開野食既我, 唔係太難, 我覺得碌酥皮仲攰啦, 依家都係搓下又撻下咁唧~
呵~ 話咁快我個仔就出世喇, 兩個都好靚仔~ 只係略嫌腸仔飽唔夠色, 未算係prefect~
至於個菠蘿飽呢, 我覺得個外表有o的似KFC個蜜糖鬆餅, 而食落就唔比『金華』既差 (岩岩出爐果陣 =P)
 

經此一學, 我覺得整飽都幾得意, 亦有興趣再學多o的~ 好.. 等我遲o的睇下工聯會o的課程先~ :D

簡單蛋糕

其實除左整曲奇之外, 我今年仲整左另外兩個蛋糕...
一個係『香蕉蛋糕』, 另一個係『焦糖蘋果蛋糕』

我一向都好鍾意呢兩款蛋糕, 清清地又快手, 加上又岩老人家食~
而且焗果時果陣香味真係好好聞, 尤其係香蕉蛋糕~ :DD
好... 等我遲o的整返o的muffin先~ 好耐無食過喇~

 

唧花牛油曲奇

我已經好耐無再整餅喇, 除左忙之外, 仲因為無左一班我愛既同事係身邊...

最近... 認識左一位新朋友, 佢都係整餅愛好者, 睇見佢日日整餅, 令我再次心動~
前晚溏心飯局, 咁岩傾開整餅, 佢就俾左一個『 唧花牛油曲奇』既食譜我~
老實講, 曲奇一向都係我既弱項, 次次整親都硬掘掘, 一o的都唔鬆化...
好喇, 既然收到新食譜, 個人又心郁郁, 所以一於唔理咁多, 即刻開爐作法~

呵呵~ 製成品話咁快就出世, 而且仲好掂添~ 我從未試過o的餅咁脆架!!!
我仲跟足指示, 用手指篤餅底黎 ensure 佢夠唔夠熟... 呢招真係好work!!
我好貪心咁整左兩隻味道: 雲呢嗱 & 檸檬!! 兩個都好好味~ 柏琪... 多謝你呀~
 

關西之旅 Day 11 - 空港 + 後記

相片: 關西空港

T.B.C.

關西之旅 Day 10 - 東福寺 + 京都駅

相片: 難波, 東福寺, 京都駅, 四条

T.B.C

關西之旅 Day 9 - 保津峽 + 嵐山

相片: 保津峽, 龜岡, 馬崛, 嵐山, 四条

T.B.C.

相關資料:
近畿紅葉とれたて便: http://www.rurubu.com/season/autumn/koyo/area.asp?area=4
嵐山 嵯峨野トロッコ列車: http://www.sagano-kanko.co.jp/index.php
かづら野 清修庵 (豆腐料理): http://seisyuan.com/kadurano.htm

關西之旅 Day 8 - 祇園 + 清水寺

相片: 二条, 祗園, 八坂神社, 清水寺, 四条
 
T.B.C.
 
相關資料:
清水寺: http://www.kiyomizudera.or.jp/aki.html