關西之旅 Day 1 - Rinku Premium Outlet

相片: 空港, Rinku Premium Outlet & 酒店

由於時令賞楓季節, 加上去成十幾日咁多, 為左減低成本....
我揀左乘搭至平既 Air-India 去大板, 雖然搭印航係有o的怪, 但係真係平好多...
唯一問題係.... 佢只得星期三/日有機, 去既日數有所局限, 而且仲要係飛 07:30am 添~

由於晨咁早就要飛, 所以五點鐘就要起身梳洗, 飛的入機場~ (真係眼訓到呢~ @_@)
我地六點三就去到, 點知 check-in 果時, 姐姐話班機好full, 要分開坐!! >__<
唉... 無法啦, 香港係中途站嘛... 我地幾經辛苦先爭取到前後位咋....
由於班機 delay 左一個鐘, 我地無野做四圍行, 行下行下去左 Dinsey Store 買豬女..
就係咁,  呢個 trip 既主旨因而改變, 因為不知不覺間.... Shopping God 已經隨行~ XD

我地 12:40 去到關西空港, 搞掂晒o的手續之後, 第一時候唔係搵車搭, 而係去人地推介既【青木松風庵】
去做咩? 之唔係買芝士蛋糕同巨峰糯米糍囉~ 我仲即場落 order, 訂埋手信响最後果日返黎拎添~
不過由於轉季, 走果時只會有士多啤梨而無巨峰..  不過對我黎講仲好啦, 一次過試晒兩隻味~ =D
(結論係.. 芝士蛋糕真係無敵, 超超超好味, 兔大福都好好食, 但莓一衣就唔夠巨峰好味喇~)


買完甜點之後, 我地又繼續搵食... 去左空港其中一間食肆食烏冬&海鮮丼(1500円), 不過味道好一般. =(
跟住...  買埋嵐山既車票, 我地就起行去第一站 【Rinku Premium Outlet】喇~
本身諗住果邊一定有 locker, 點知 full 鬼晒... 結果要抬行李行一條長長既樓梯.. 真慘...


去到 Outlet 之後, 我地就 Shopping God 上身, 買左好多好多野 (正確o的講, 係人地買左好多野 =P)
結果搞到天都黑齊, 先去搵飯食.  係 Outlet 都有唔少選擇, 我地揀左好耐, 先決定去一間日式食店..
由於已經非常肚餓, 我地好快手就叫左個日式饅魚煲仔飯&薄切豚肉生姜燒鍋定食~ (3160円)
兩款都非常非常好味, 我最愛個饅魚飯, 要加茶黎食, 好得意, 但亦好好好好味~ =DDDDD~


食飽飽我地就閃人, 唔經唔覺已經九點四. 結果....去到【ミーイン 心齋橋】酒店已經差唔多十一點...
嘩... 間房細到真係嚇死人, 連轉個身都有難度, 好在個 toilet 尚算乾淨... 鬼叫我地無錢咩....
由晨早五點捱到依家, 仲要搬搬抬抬, 真係攰到死下死下... 所以沖完涼, 報完平安就訓喇...
當然... 訓之前要食埋個宵夜先啦~  個芝士蛋糕真係超好味到呢~~~ :D~~~


相關資料:
青木松風庵: http://www.shofuan.co.jp/index.html
Rinku Premium Outlet: http://www.premiumoutlets.co.jp/rinku/index.html
ミーイン心齋橋: http://www.hotespa.net/hotels/shinsaibashi/

關西之旅 - 前言

由於有人keep住左o的旅行相成兩個幾月, 所以咁遲先黎寫遊記... 

我都唔記得係因為乜野而init 呢個trip 喇...
本身係打算十月中過去既, 但係由於有同事結婚, 為左就佢, 咁就postpone 左一個月喇...
其實我唔太鍾意十一月去旅行, 因為天氣太凍, 唔能夠瀟瀟洒洒咁遊街...
但係算啦, 都叫做賞楓既好季節.. 凍o的就凍o的啦~ 哈.. 當係因禍得福 =P

由於原本plan 十月中去, 所以我八月就開始做資料搜集. 
一如以往, 我做左一份非常詳盡既document, 入面 list 晒所有行程, 班次&地址 (今次有成50+pages!!)
不過由於非常之忙, plan 左大部份野之後, 就放低左無再搞佢喇...

原本都好地地, 不過我一時心血來潮, 係去之前兩日決定改plan, 將白濱調到第二日先去...
就係咁, 我好匆忙咁改晒酒店既日子... 點知.. 心齋橋間酒店搞錯左, 將我既booking 取消淨一日... =_=!!
真係俾佢嚇到死死下, 想再book又已經full 晒, 唯有打電話過去直接同佢地溝通...
但係日本仔o的英文有限, 真係有o的雞同鴨講, 不過好彩佢地最後搵到個識講中文既女仔,
咁先至settle到咋... 其實就係呢個女仔搞錯晒o的野.. 早知我打中文俾佢好過 >_<

有好多人都話... 淨係去關西駛唔駛11日咁多?! 但係.. 我覺得岩岩好咋喎, 俾我去多幾日都得呀~ XD
真係好耐無去過雙位數字既旅行.... 好... 等我講講我既行程先:

	Day 1  11.12 (日)	Day 2 11.13 (月)	Day 3  11.14 (火)	Day 4 11.15 (水)	Day 5  11.16 (木)	Day 6  11.17 (金)	Day 7  11.18 (土)
上午	-	白浜	白浜	千日前	池田	姬路	有馬
下午	關西空港	白浜	白浜	奈良	神戶	姬路	天保山
晚上	Outlet	白浜	梅田	道地堀	神戶	有馬	難波
住宿	心斎橋	白浜	心斎橋	心斎橋	心斎橋	有馬	心斎橋
	Day 8  11.19 (日)	Day 9  11.20 (月)	Day 10  11.21 (火)	Day 11  11.22 (水)
上午	三条	保津峽	難波	京都
下午	祗園	嵐山	東福寺	關西空港
晚上	清水寺	河原町	京都站	-
住宿	京都	京都	京都	-

[中國‧香港] The Steak House

上個星期我又去食好野... 今次去左 Intercontinental 既 Steak House~
佢既晚餐每位閒閒地過千... 食唔起就唯有試佢個 SUNDAY Lunch Set~
雖然都真係唔平, 不過都真係唔錯~ 個 Set 主要包以下幾樣野:

• Free-Flowing Wine
• Salad Bar
• Lobster Bisque With Vegetables
• Main Course from Charcoal Grill
• Buffet Dessert
• Freshly Brewed Coffee or Fine English Tea

佢個 Appetizer 係自助形式, Salad Bar 有好多選擇, 乜野都有...
最鍾意係佢既chesse, 好軟好滑, 連我呢個唔愛chesse既人都話好食...
個 set 仲附送 wine, 紅白酒都有, 好好飲, 仲有得 refill添~

至於個 Main Course, 我地揀左牛, 羊 & 大蝦.... 個人覺得隻羊最好味..
個牛(西冷)有o的嚡, 牛柳就好嫩滑, 但係無乜肉味, 都係自己煎既最好食...
佢最巴閉反而係o的鹽&Mustard, 有勁多選擇, 不過都係噱頭黎唧...

而個 Dessert 呢... 都係好勁, 淨睇個氣勢都殺晒...
不過食完之前既野, 都已經飽左十成, 根本食唔落咁多野...
最後果日我淨係食左呢個lunch set, 直至晚上十二點都未肚餓...勁!!

與企鵝有緣

別人常說: 『與佛有緣』.... 而我呢... 就係『與企鵝有緣』!!!
唔係講笑, 我就咁行街都成日見到企鵝既踪跡...
真係唔知係佢太紅丫, 定係我好眼力喇...  XD

米白色長頸巾

終於都搞掂左佢喇... 足足織左成年有多.... >_<
雖然今年唔再興淨色頸巾, 但係織得咁辛苦, 點都會戴佢既~ 
 
相關文章: http://cathypeko.spaces.live.com/blog/cns!D885CEC49C55D6C0!352.entry

2006 年最後一 Cake

都有好一段時間無整過餅喇... 其一係太忙, 其二係無乜mood....
自已都唔係話特別想食, 咁又點會有意欲整喎...
 
由於之前買左材料, 為左唔好晒野, 所以就整左呢個『提拉米蘇』~
佢就勁喇, 用左2006年最hit既蘇丹紅雞蛋同就過期既意大利芝士造既...
所以呢... 我都唔敢俾其他人食~  當然, 最後係無問題架啦... 哈哈~
 
 
 

[中國‧香港] Club De Success

好耐之前已經聽見吉吉哥話呢間私房菜好得, 上兩星期終於一試..
佢係位於上環既商業大廈, 由地鐵站行過去唔駛五分鐘(如果無蕩失路既話 =P)
款式由佢定, 你只須俾個buget 同唔食既餸菜就okay架喇 (Mon-Thur $200+, Fri & Sat $250+)
由於我地女仔為主, 食量唔大, 所以只係定左$200位, 亦講明要Quality rather than Quantity~ XD

基本上我地係唔知有乜野食/幾多度菜, 所以每一次上菜都覺得好驚喜, 亦非常期待~
我地頭頭尾尾總共黎左九道菜:

• 蒜蓉多士 - 呢個好好味, 蒜蓉好香, 多士亦好脆.. 唯一問題係我地怕食得太多食唔落其他餸菜 =P
• 牛肝沙律 - 第一次食牛肝, 特別是很特別, 但口感有o的似豬潤.. 所以我地亦笑說第一次用刀叉食豬潤 =P
• 芝士焗蠔 - 呢個幾好, 佢唔係全熟, 介乎生與熟之間, 有芝士的香, 生蠔的鮮味
• 田螺酥皮盒 - 呢個亦好香口, 不過較普通, 我諗自己都整到..
• 煙鴨胸 - 呢個肉質好嫩, 好重煙燻味, 但係我又覺得幾好食喎~
• 魚湯 - 呢個飲落一o的都唔鯹, 飲到海鮮味但一o的都飲唔出係魚湯, 超喜歡~
• 焗牛肩肉 - 呢個好好味, 肉身好軟滑, 牛肩肉都係第一次食~
• 燒雞配印度烤餅 - 呢個好喜愛, 燒完o的肉仲係嫩滑, 配燒餅一流, 係有少少油唧
• 蘋果批配雪糕 - 呢個好普通, 我比較欣賞佢個雪糕球, 好滑, 唔知係咪自己整架呢~

總括黎講.. 我覺得 Club De Success 好抵食, 不過佢就無華麗既裝修,
上碟無話擺到靚靚的, 主菜都係成碟上, 大家一齊分, 所以較適合一大班人黎.
另外就係佢上菜都真係幾慢, 等極都未黎, 我地足足食左三個鐘... 我都係比較喜歡一道接一道咁上菜多o的~ =P
仲有就係我好欣賞佢個廚房, 乜菜式都整到, 估唔到連印度烤餅都有, 勁!!
我諗我會再黎, 因為想試下佢既海鮮得唔得, 我見人地成隻大蟹咁上, 好似好好味咁~ :D

[中國‧香港] Intercontinental Afternoon Tea

前果排放假, 終於享用左 Intercontinental 既benefit...
今次係同媽媽&妹妹 hi tea, 為既係消滅4張31/Dec 到期既$150 Coupon.
我媽媽恨左 afternoon tea 好耐架喇, 今次終於還左佢心願~

我地得三個人, 叫兩個 tea set 好似唔抵, 所以就只係叫左...
一份Afternoon tea, 一杯Passion Fruit Tea & 一份Tranditional Sandwich Club
三樣野成惠$602.8, 我放低 $20就走左, 真係爽~ XD

Intercontinental - Priority Privilege Benefits

上個月, 無啦啦收到個 sales 打電話黎 sale『Priority Privilege Club』...
本身都無打算理佢, 但係聽落又好似幾吸引, 所以最後都join左...
自此以後, 我將會頻頻去Intercon 開餐~ 呵呵~ XD

個 Package 本身只包以下幾項:

• HK$400 x 2 Cash Certificate for Harbourside
• HK$400 x 2 Cash Certificate for Yan Toh Heen
• HK$400 x 2 Cash Certificate for The Steak House Winebar + Grill
• Complimentary Bottle of Selected House Wine
• Complimentary Birthday Cake
• Harbour View room Upgrade

但係由於個 sales 要meet quota, 所以extra 送多以下幾項俾我:

• Extra $400 x 2 Cash Certificate for any restaurant
• Allow to exchange those $400 Cash Certificate to any restaurant
• Extra high-tea coupon (for 2 person)
• Allow to exchange my wine coupon to $600 high-tea cash coupon
• 2 Streak House Lunch Coupon
• 1 night Macau's hotel
• 1 Extra Cake

以年費 $2,200 買到呢個 Offer, 我覺得真係唔錯... 如果有邊個friend 都有興趣既, 就話我知啦~

[中國‧香港] Antique

呢排轉左去中環扮OL, 所以食 Cake 既機會都多左...

呢間 Cake Shop 外表好有歐洲小店色彩, 所以決定試一試佢~
由於剛剛食飽飯, 所以只係叫左件『Wobbly Mango』~
淨係睇個樣都已經殺晒, 外型非常之美, 同文華有得揮(當然價錢亦一樣 >_<)
食落亦都非常好吃.. 下次再試其他款式先~ :D

[中國‧香港] 麗嘉酒店 & 金滿庭

由於近排真係好忙, 忙到好幾篇文都唔得閒post... 就等我一次過啦~~

麗嘉酒店 - 海南雞飯
之前約左個闊太食lunch, 本身打算食文華cafe, 可惜full晒book唔到... 諗左好多都諗唔到去邊好, 所以就近近地去左麗嘉酒店間cafe食. 經闊太指點, 佢既『海南雞飯』係全港數一數二, 所以一定要試試.  其實我對海南雞無乜研究, 唔識分點為之好食. 但係阿高人一食, 就話個皮唔夠爽, 應該要用凍水浸耐o的喎 (唔講都唔知煮雞咁有學問 =P).... 不過係我眼中, 已經覺得佢唔錯, 唯獨係o的雞皮比較肥~

金滿庭 - 芝麻雞
係同一日晚上, 我去左金滿庭食飯, 亦點左至愛既『芝麻雞』....  但係經過上午一役, 就發覺佢既肉質好粗糙, 唔得嫩滑, 不過個醬汁依然很不錯. :D

BB 用品

haha..  呢幾日我不停咁睇/買BB用品, 原因係一個好朋友岩岩生左個仔仔~
買買埋埋, 返到屋企, 我妹妹就會拎o的衫仔同豬女扮靚, 咁岩佢又岩著喎, 所以勁搞野~~ XD
其中有兩件衫仔好得意架, 係Pingu 黎既~ 我個frd個B唔好彩喇, 細細個就要扮企鵝~ 呵呵呵~

人怕出名, 豬怕肥

已經有一段長時間無整過切餅喇....  睇返個blog, 先知原來有成5個月咁耐!!!
近排比較喜歡整別緻小蛋糕/簡單款式既大蛋糕~ 原因好簡單.. 
別緻小蛋糕可以玩層層疊, 難度較高而滿足感亦較大, 而簡單蛋糕就爸爸媽媽鍾意食囉~ =D

今次整呢兩個蛋糕完全係因為有人request, 如果唔係我都唔會病住都開夜車~
正所謂... 人怕出名, 豬怕肥... 估唔到連 client 都掛住我o的餅, 真係勁!! XD
為左快夾靚, 我揀左個比較易整既『藍莓芝士餅』同比較特別既『雙層榛子朱古力慕斯蛋糕』~
 

如果無記錯, 我第一個帶返公司請同事食既焗餅, 應該都係呢隻 Blueberry Cheese Cake~
我都好耐無整過佢喇, 始終 Cheese Cake 都真係少食為妙, 如果唔係膽固醇過高就弊!
不過今次有少少失手丫, 等個蛋糕放左入爐先發現唔記得落酸忌廉, 希望對個口感影響唔大啦~ @_@

至於個 Praline Chocolate Mousses Cake, 就真係有少少懶....
為左慳時間, 我無自已焗個古古力蛋糕, 選擇買個現成既,  如果唔係都唔知幾點有得訓~ z_Z
至於個 decoration 呢~ 就唔係太諗到, 所以求求其其, 唔太失禮就算, 希望佢地喜愛啦~ =P

haha.. 突然諗起, 唔知公司有無人都掛住我....... o的餅呢?! XD

[中國‧香港] Triple O

如果你有留意, 你會發現好多所謂高級地方, 麥當當同ken duck key都已經絕跡~ (e.g. Time Square, Pacific Place)
原因據說係呢o的高級地方唔想有呢o的咁平民化既餐廳出現..
取而代之係我唔見得有幾高級既『Bistro Delifrance』... 其實我估係唔想有賓賓聚集唧~

有日行開PP行到好肚餓, 就四圍搵食~
由於我既至愛麥當當已經無左, 所以唯有去great睇下有無好野食~
去到『Triple O』, 見o的薯條好似好好食咁, 又有得坐喎, 所以就揀左佢喇~

佢都真係唔平, 一個最普通最普通既漢堡飽餐賣成$49.5, 比麥當當貴成倍!!!
仲要等成差唔多廿分鐘先有得食, 原因當然係即叫即刻整啦~
不過當我食過佢個飽同薯條, 就覺得佢值呢個價喇~
個飽真係好好味, 好軟, 口感好好, 磈漢堡扒好有肉汁, 而o的薯條就更加唔駛講啦~
食完先知乜野叫做漢堡飽!! 如果我係附近做的話, 我諗Lunch都會久唔久黎豪一次~  :D

[中國‧香港] Mandarin Cake Shop

今年中秋節, 我無食月餅, 反而去左翻新後剛開張既文華Cake Shop幫襯~
新裝後既文華餅店搬左上一樓, 舖面大左, 隔離仲做埋cafe添~
除此之後, 你仲可以透過玻璃好清楚咁睇佢地做chocolate decoration~ 正~

講返o的cake... 我買左件『朱古力brownie』同『紅桑子批』, 兩件都好好味~

無論賣相定係味道都係五星級質素~ 當然包括價錢啦 =P
特別係件brownie, 簡直一試難忘, 外層有o的硬, 但係食落又軟喎, 仲超級古古力, 好正~
令我對brownie起出特別既興趣.. 等我遲o的都學下整先~ :D

Marie 牌檸檬茶

哈哈哈~~~ 呢包『Marie 牌檸檬茶』就犀利喇, 可算係我最有創意既作品!! 絶對勁過送俾葉太張結婚咭!!
 
係我大學年代, 我結識左幾位很要好既朋友... 而當中最老死既, 莫過於 Marie~
Marie 係一個傻傻地既人(當然啦, 物以類聚嘛!!),  係大學時代, 佢成日都唔食飯, 不過呢, 就日日飲幾包『維X牌檸檬茶』
當時鬧極佢都唔肯聽, 完全無佢辦法~  -___-!!!
 
我都唔記得乜野原因令我當年咁有諗頭, 整左呢盒超大檸檬茶送俾佢做生日禮物喇~
呢盒野就勁喇, 我用左幾個星期整架, 仲出動埋一位讀演藝既大佬幫手!!
盒檸茶既手工好精細架, 而且比例跟足晒, 都咪話唔勁!! 佢既size 大約等於一個鞋盒咁大~
唔好似為佢虛有其表喎, 入面仲勁, 有Marie 小姐既俏像, 仲要係立體, 有晒High-light架~
而側邊碗麵都好犀利, o的麵條係逐條逐條剪出黎, 真係有心機到暈~  XDD
而我最鍾意呢, 就係個檸茶盒個標貼『低B琼製造 品質無保證』, 每隻字都挑得有血有汗架!!
 
係咪覺得好奇怪, 點解會放埋隻『陶瓷貓』係張相入面呢?! 之唔係又係我整既囉~ XDDD
o拿o拿o拿, 我唔話我係搓出黎喎, 不過就係由我上色, 幫佢畫花絞, 再拎去燒既, 全世界得一隻架咋~
佢係我2001年去箱根旅行坐係湖邊整既~ 整左成個鐘架, 你睇我去旅行去得幾hea~ XD
不過其實當時我唔係太捨得送俾佢, 因為真係好靚~ 不過無法啦, 鬼叫佢係Marie小姐咩~  =P
 
哈哈, 今日睇返呢o的作品, 突然覺得自己好有藝術細胞, 仲好有創意, 絶對可以從事手工藝行業~
不過創意呢o的野就唔係日日都有, 如果唔係, 當年我就走左去讀Art , 唔係做呢行啦~
心機我就有大把, 不過畫既野太公整, 唔夠creative, 唔多適合做long term, 都係得閒玩下算喇~
依家個性格都無變, 做野可以好detail, 好整齊, 不過創意&諗頭就唔多喇~
你見我o的蛋糕就知啦, 層層疊無問題, 可以慢慢同你砌, 不過decoration 就唔多得喇, 創意有限~ =P

2006 年生日禮物回顧

哈哈哈~ 今年就勁喇, 收左好多生日禮物, 最多既, 莫過於百佳印花!!
真係好勁丫, 不論熟與唔熟既朋友, 都透過唔同途徑pass o的印花俾我~
到最後, 我總共集合左超過160+ 個印花, 俾我原先既 target 高出成倍!!!
而我亦用佢地換左一個相架, 一個紙巾盒 & 兩個電話座~ :DDD
 
除左印花之外, 我仲收到一把好靚既 Cova 蛋糕刀, 兩隻小企鵝~
同埋一個好靚, 由日本空運到港既Pingu 蛋糕盒~ 勁鍾意丫, 不過我諗我唔會捨得用~  =P

[中國‧香港] 紅螞蟻

好耐無去銅鑼灣, 本身打算食小南國, 但係勁多人, 所以就轉軚去左『紅螞蟻』喇!
黎到紅螞蟻, 當然係要食焗飯 + 雪花糕啦~  最後我地叫左:
- 咖喱忌廉汁法國口螺飯
- 香檳芥茉汁焗牛肉飯
- 鮮什果雪花糕
本身都係搏一搏叫個咖喱黎試下, 點知佢仲好食過個牛肉飯~ 而個雪花榚就唔駛講啦, 好清甜~

[中國‧香港] THE PIER

又一次光顧『THE PIER』, 仍然覺得佢既食物唔錯~
本身打算買個 cake 為朋友慶祝生日, 但係一問之下, 先知原來要收 $100 切餅費 =_=!!
唯有 order 佢地既 cake 啦~ 話晒佢都係一間意大利餐廳, 所以就揀左 Tiramisu 喇~

佢地仲問我駛唔駛寫名, 我就問寫唔寫得中文, 答案竟然係...『阿 chef 唔識寫中文字!』 XDDDD

我地等左超過廿分鐘, 佢個 cake 先上台...  無理由架, 切餅黎唧, 駛乜玩咁耐 -_-!!
最後我終於明白喇, 我諗o的時候用晒黎寫字... 哈哈哈, 大早我都只係諗佢會求其幫我寫個名上去...
點知, 寫得勁靚, 好有 design feel!! 我諗佢係廚房寫花左好多隻碟架喇!! 哈哈!! XD

企鵝耳環

原本受邀出席公司飯局, 但由於大部分相熟同事都唔去, 所決定走頭, Shopping 去也~
點知... 就係咁Q, 竟然俾我見到佢~ 我都話我同企鵝有緣架啦~ XDDD

初初都有懷疑佢係雀仔定係企鵝.. 但係當我同sales講話要呢對耳環既時候, 佢話『企鵝果對呀?』
我即時好開心, 原來佢真係企鵝黎架, 唔係我一廂情願!!!