雖然之前提過我放假都要做野, 但係果幾日Annual Leave入面我都去左唔少食店食好野 =D~
發記甜品
次次係銅鑼灣食完『板前壽司』, 都會好想幫親隔離間『發記』, 主要係俾佢舖面既剪報吸引. 但係次次都人山人海, 門口排晒長龍. 所以今次就決定掉轉黎食, 先食甜品, 後食壽司. 當日, 我試左佢既招牌菜『香蕉酥皮卷』, 個賣相幾好, 幾吸引, 但係食落就覺得有o的乾, 總括黎講都係一般. 不過如果未食過既話, 試下都無妨, 不過就唔值得排長龍等佢喇...
見城日本料理
由於係Open Rice既評價相當之好, 所以就決定專程到訪, 一試佢既功力. 佢既地址相當隔涉, 唔係特登去, 都唔會行經果頭. 佢係一間好有日本特色既居酒屋, 睇得出某o的師傅/食客係日本人. 由於唔知食乜好, 所以就叫左個刺生 + 壽司 set lunch 喇. o的刺生好新鮮, 而且某幾款係從來未食過既添 (e.g. baby salmon). 另外, 好欣賞佢既玉子刺生, 清楚見到個招牌名, 食落又唔太甜, 好好味. 仲有就係個刺生飯, 係超級好味, 連我呢個唔太愛食飯既人都想食晒佢. 最後就係隻番茄, 都係非常juicy, 好好味~~ =D~
(據聞係佢度食晚餐是天價的, 所以如果想平平地試下, 建議去食set lunch, 大約$1XX 一個人)
好時沙爹
佢都係睇Open Rice既評價專程到訪, 又係响o的隔涉既地方. 當日叫左佢地招牌菜: 沙爹串燒(豬牛雞各二), 咖喱牛腩同埋海南雞飯. o的沙爹汁好好味, 好香濃, o的肉又嫩滑. 而個咖喱亦都好得, 同『老趙』既有得揮, 最好食係o的薯仔. 最後就係個海南雞飯, o的油飯超好食, 而碟雞好嫩口. 佢絶對係好食兼抵食, 下次去開尖東, 都會再去幫襯 =D~
1 comments:
見城日本料理..
我前年第一次到見城就係晚餐, 兩個人只係食左個細既assorted魚生, 六件 tuna toro 卷(好細舊咋), 同薄燒牛扒, 就已經六百蚊, 由於當時收入唔多, 所以被迫唔可以再叫落去..我見到旁邊一對朋友, 正常咁叫野食, 埋單係二千蚊.. 雖然好貴, 但係d野食真係好得, 魚生好鬼鮮味, tuna toro 卷, 飯少魚肉大舊, 同埋入口就溶..個牛扒都好味.. 所以點都要儲錢食餐豪..
lunch我都試過, 比較上黎就冇晚餐好, 但都比好多日本餐廳好.. 當然價錢亦比外間貴, 但以百多元可以試到中上級日本餐廳既食物..我覺得都OK
Post a Comment