[中國‧香港] Club De Success

好耐之前已經聽見吉吉哥話呢間私房菜好得, 上兩星期終於一試..
佢係位於上環既商業大廈, 由地鐵站行過去唔駛五分鐘(如果無蕩失路既話 =P)
款式由佢定, 你只須俾個buget 同唔食既餸菜就okay架喇 (Mon-Thur $200+, Fri & Sat $250+)
由於我地女仔為主, 食量唔大, 所以只係定左$200位, 亦講明要Quality rather than Quantity~ XD

基本上我地係唔知有乜野食/幾多度菜, 所以每一次上菜都覺得好驚喜, 亦非常期待~
我地頭頭尾尾總共黎左九道菜:

• 蒜蓉多士 - 呢個好好味, 蒜蓉好香, 多士亦好脆.. 唯一問題係我地怕食得太多食唔落其他餸菜 =P
• 牛肝沙律 - 第一次食牛肝, 特別是很特別, 但口感有o的似豬潤.. 所以我地亦笑說第一次用刀叉食豬潤 =P
• 芝士焗蠔 - 呢個幾好, 佢唔係全熟, 介乎生與熟之間, 有芝士的香, 生蠔的鮮味
• 田螺酥皮盒 - 呢個亦好香口, 不過較普通, 我諗自己都整到..
• 煙鴨胸 - 呢個肉質好嫩, 好重煙燻味, 但係我又覺得幾好食喎~
• 魚湯 - 呢個飲落一o的都唔鯹, 飲到海鮮味但一o的都飲唔出係魚湯, 超喜歡~
• 焗牛肩肉 - 呢個好好味, 肉身好軟滑, 牛肩肉都係第一次食~
• 燒雞配印度烤餅 - 呢個好喜愛, 燒完o的肉仲係嫩滑, 配燒餅一流, 係有少少油唧
• 蘋果批配雪糕 - 呢個好普通, 我比較欣賞佢個雪糕球, 好滑, 唔知係咪自己整架呢~

總括黎講.. 我覺得 Club De Success 好抵食, 不過佢就無華麗既裝修,
上碟無話擺到靚靚的, 主菜都係成碟上, 大家一齊分, 所以較適合一大班人黎.
另外就係佢上菜都真係幾慢, 等極都未黎, 我地足足食左三個鐘... 我都係比較喜歡一道接一道咁上菜多o的~ =P
仲有就係我好欣賞佢個廚房, 乜菜式都整到, 估唔到連印度烤餅都有, 勁!!
我諗我會再黎, 因為想試下佢既海鮮得唔得, 我見人地成隻大蟹咁上, 好似好好味咁~ :D

[中國‧香港] Intercontinental Afternoon Tea

前果排放假, 終於享用左 Intercontinental 既benefit...
今次係同媽媽&妹妹 hi tea, 為既係消滅4張31/Dec 到期既$150 Coupon.
我媽媽恨左 afternoon tea 好耐架喇, 今次終於還左佢心願~

我地得三個人, 叫兩個 tea set 好似唔抵, 所以就只係叫左...
一份Afternoon tea, 一杯Passion Fruit Tea & 一份Tranditional Sandwich Club
三樣野成惠$602.8, 我放低 $20就走左, 真係爽~ XD

Intercontinental - Priority Privilege Benefits

上個月, 無啦啦收到個 sales 打電話黎 sale『Priority Privilege Club』...
本身都無打算理佢, 但係聽落又好似幾吸引, 所以最後都join左...
自此以後, 我將會頻頻去Intercon 開餐~ 呵呵~ XD

個 Package 本身只包以下幾項:

• HK$400 x 2 Cash Certificate for Harbourside
• HK$400 x 2 Cash Certificate for Yan Toh Heen
• HK$400 x 2 Cash Certificate for The Steak House Winebar + Grill
• Complimentary Bottle of Selected House Wine
• Complimentary Birthday Cake
• Harbour View room Upgrade

但係由於個 sales 要meet quota, 所以extra 送多以下幾項俾我:

• Extra $400 x 2 Cash Certificate for any restaurant
• Allow to exchange those $400 Cash Certificate to any restaurant
• Extra high-tea coupon (for 2 person)
• Allow to exchange my wine coupon to $600 high-tea cash coupon
• 2 Streak House Lunch Coupon
• 1 night Macau's hotel
• 1 Extra Cake

以年費 $2,200 買到呢個 Offer, 我覺得真係唔錯... 如果有邊個friend 都有興趣既, 就話我知啦~

[中國‧香港] Antique

呢排轉左去中環扮OL, 所以食 Cake 既機會都多左...

呢間 Cake Shop 外表好有歐洲小店色彩, 所以決定試一試佢~
由於剛剛食飽飯, 所以只係叫左件『Wobbly Mango』~
淨係睇個樣都已經殺晒, 外型非常之美, 同文華有得揮(當然價錢亦一樣 >_<)
食落亦都非常好吃.. 下次再試其他款式先~ :D

[中國‧香港] 麗嘉酒店 & 金滿庭

由於近排真係好忙, 忙到好幾篇文都唔得閒post... 就等我一次過啦~~

麗嘉酒店 - 海南雞飯
之前約左個闊太食lunch, 本身打算食文華cafe, 可惜full晒book唔到... 諗左好多都諗唔到去邊好, 所以就近近地去左麗嘉酒店間cafe食. 經闊太指點, 佢既『海南雞飯』係全港數一數二, 所以一定要試試.  其實我對海南雞無乜研究, 唔識分點為之好食. 但係阿高人一食, 就話個皮唔夠爽, 應該要用凍水浸耐o的喎 (唔講都唔知煮雞咁有學問 =P).... 不過係我眼中, 已經覺得佢唔錯, 唯獨係o的雞皮比較肥~

金滿庭 - 芝麻雞
係同一日晚上, 我去左金滿庭食飯, 亦點左至愛既『芝麻雞』....  但係經過上午一役, 就發覺佢既肉質好粗糙, 唔得嫩滑, 不過個醬汁依然很不錯. :D

BB 用品

haha..  呢幾日我不停咁睇/買BB用品, 原因係一個好朋友岩岩生左個仔仔~
買買埋埋, 返到屋企, 我妹妹就會拎o的衫仔同豬女扮靚, 咁岩佢又岩著喎, 所以勁搞野~~ XD
其中有兩件衫仔好得意架, 係Pingu 黎既~ 我個frd個B唔好彩喇, 細細個就要扮企鵝~ 呵呵呵~

人怕出名, 豬怕肥

已經有一段長時間無整過切餅喇....  睇返個blog, 先知原來有成5個月咁耐!!!
近排比較喜歡整別緻小蛋糕/簡單款式既大蛋糕~ 原因好簡單.. 
別緻小蛋糕可以玩層層疊, 難度較高而滿足感亦較大, 而簡單蛋糕就爸爸媽媽鍾意食囉~ =D

今次整呢兩個蛋糕完全係因為有人request, 如果唔係我都唔會病住都開夜車~
正所謂... 人怕出名, 豬怕肥... 估唔到連 client 都掛住我o的餅, 真係勁!! XD
為左快夾靚, 我揀左個比較易整既『藍莓芝士餅』同比較特別既『雙層榛子朱古力慕斯蛋糕』~
 

如果無記錯, 我第一個帶返公司請同事食既焗餅, 應該都係呢隻 Blueberry Cheese Cake~
我都好耐無整過佢喇, 始終 Cheese Cake 都真係少食為妙, 如果唔係膽固醇過高就弊!
不過今次有少少失手丫, 等個蛋糕放左入爐先發現唔記得落酸忌廉, 希望對個口感影響唔大啦~ @_@

至於個 Praline Chocolate Mousses Cake, 就真係有少少懶....
為左慳時間, 我無自已焗個古古力蛋糕, 選擇買個現成既,  如果唔係都唔知幾點有得訓~ z_Z
至於個 decoration 呢~ 就唔係太諗到, 所以求求其其, 唔太失禮就算, 希望佢地喜愛啦~ =P

haha.. 突然諗起, 唔知公司有無人都掛住我....... o的餅呢?! XD

[中國‧香港] Triple O

如果你有留意, 你會發現好多所謂高級地方, 麥當當同ken duck key都已經絕跡~ (e.g. Time Square, Pacific Place)
原因據說係呢o的高級地方唔想有呢o的咁平民化既餐廳出現..
取而代之係我唔見得有幾高級既『Bistro Delifrance』... 其實我估係唔想有賓賓聚集唧~

有日行開PP行到好肚餓, 就四圍搵食~
由於我既至愛麥當當已經無左, 所以唯有去great睇下有無好野食~
去到『Triple O』, 見o的薯條好似好好食咁, 又有得坐喎, 所以就揀左佢喇~

佢都真係唔平, 一個最普通最普通既漢堡飽餐賣成$49.5, 比麥當當貴成倍!!!
仲要等成差唔多廿分鐘先有得食, 原因當然係即叫即刻整啦~
不過當我食過佢個飽同薯條, 就覺得佢值呢個價喇~
個飽真係好好味, 好軟, 口感好好, 磈漢堡扒好有肉汁, 而o的薯條就更加唔駛講啦~
食完先知乜野叫做漢堡飽!! 如果我係附近做的話, 我諗Lunch都會久唔久黎豪一次~  :D

[中國‧香港] Mandarin Cake Shop

今年中秋節, 我無食月餅, 反而去左翻新後剛開張既文華Cake Shop幫襯~
新裝後既文華餅店搬左上一樓, 舖面大左, 隔離仲做埋cafe添~
除此之後, 你仲可以透過玻璃好清楚咁睇佢地做chocolate decoration~ 正~

講返o的cake... 我買左件『朱古力brownie』同『紅桑子批』, 兩件都好好味~

無論賣相定係味道都係五星級質素~ 當然包括價錢啦 =P
特別係件brownie, 簡直一試難忘, 外層有o的硬, 但係食落又軟喎, 仲超級古古力, 好正~
令我對brownie起出特別既興趣.. 等我遲o的都學下整先~ :D

Marie 牌檸檬茶

哈哈哈~~~ 呢包『Marie 牌檸檬茶』就犀利喇, 可算係我最有創意既作品!! 絶對勁過送俾葉太張結婚咭!!
 
係我大學年代, 我結識左幾位很要好既朋友... 而當中最老死既, 莫過於 Marie~
Marie 係一個傻傻地既人(當然啦, 物以類聚嘛!!),  係大學時代, 佢成日都唔食飯, 不過呢, 就日日飲幾包『維X牌檸檬茶』
當時鬧極佢都唔肯聽, 完全無佢辦法~  -___-!!!
 
我都唔記得乜野原因令我當年咁有諗頭, 整左呢盒超大檸檬茶送俾佢做生日禮物喇~
呢盒野就勁喇, 我用左幾個星期整架, 仲出動埋一位讀演藝既大佬幫手!!
盒檸茶既手工好精細架, 而且比例跟足晒, 都咪話唔勁!! 佢既size 大約等於一個鞋盒咁大~
唔好似為佢虛有其表喎, 入面仲勁, 有Marie 小姐既俏像, 仲要係立體, 有晒High-light架~
而側邊碗麵都好犀利, o的麵條係逐條逐條剪出黎, 真係有心機到暈~  XDD
而我最鍾意呢, 就係個檸茶盒個標貼『低B琼製造 品質無保證』, 每隻字都挑得有血有汗架!!
 
係咪覺得好奇怪, 點解會放埋隻『陶瓷貓』係張相入面呢?! 之唔係又係我整既囉~ XDDD
o拿o拿o拿, 我唔話我係搓出黎喎, 不過就係由我上色, 幫佢畫花絞, 再拎去燒既, 全世界得一隻架咋~
佢係我2001年去箱根旅行坐係湖邊整既~ 整左成個鐘架, 你睇我去旅行去得幾hea~ XD
不過其實當時我唔係太捨得送俾佢, 因為真係好靚~ 不過無法啦, 鬼叫佢係Marie小姐咩~  =P
 
哈哈, 今日睇返呢o的作品, 突然覺得自己好有藝術細胞, 仲好有創意, 絶對可以從事手工藝行業~
不過創意呢o的野就唔係日日都有, 如果唔係, 當年我就走左去讀Art , 唔係做呢行啦~
心機我就有大把, 不過畫既野太公整, 唔夠creative, 唔多適合做long term, 都係得閒玩下算喇~
依家個性格都無變, 做野可以好detail, 好整齊, 不過創意&諗頭就唔多喇~
你見我o的蛋糕就知啦, 層層疊無問題, 可以慢慢同你砌, 不過decoration 就唔多得喇, 創意有限~ =P

2006 年生日禮物回顧

哈哈哈~ 今年就勁喇, 收左好多生日禮物, 最多既, 莫過於百佳印花!!
真係好勁丫, 不論熟與唔熟既朋友, 都透過唔同途徑pass o的印花俾我~
到最後, 我總共集合左超過160+ 個印花, 俾我原先既 target 高出成倍!!!
而我亦用佢地換左一個相架, 一個紙巾盒 & 兩個電話座~ :DDD
 
除左印花之外, 我仲收到一把好靚既 Cova 蛋糕刀, 兩隻小企鵝~
同埋一個好靚, 由日本空運到港既Pingu 蛋糕盒~ 勁鍾意丫, 不過我諗我唔會捨得用~  =P

[中國‧香港] 紅螞蟻

好耐無去銅鑼灣, 本身打算食小南國, 但係勁多人, 所以就轉軚去左『紅螞蟻』喇!
黎到紅螞蟻, 當然係要食焗飯 + 雪花糕啦~  最後我地叫左:
- 咖喱忌廉汁法國口螺飯
- 香檳芥茉汁焗牛肉飯
- 鮮什果雪花糕
本身都係搏一搏叫個咖喱黎試下, 點知佢仲好食過個牛肉飯~ 而個雪花榚就唔駛講啦, 好清甜~

[中國‧香港] THE PIER

又一次光顧『THE PIER』, 仍然覺得佢既食物唔錯~
本身打算買個 cake 為朋友慶祝生日, 但係一問之下, 先知原來要收 $100 切餅費 =_=!!
唯有 order 佢地既 cake 啦~ 話晒佢都係一間意大利餐廳, 所以就揀左 Tiramisu 喇~

佢地仲問我駛唔駛寫名, 我就問寫唔寫得中文, 答案竟然係...『阿 chef 唔識寫中文字!』 XDDDD

我地等左超過廿分鐘, 佢個 cake 先上台...  無理由架, 切餅黎唧, 駛乜玩咁耐 -_-!!
最後我終於明白喇, 我諗o的時候用晒黎寫字... 哈哈哈, 大早我都只係諗佢會求其幫我寫個名上去...
點知, 寫得勁靚, 好有 design feel!! 我諗佢係廚房寫花左好多隻碟架喇!! 哈哈!! XD

企鵝耳環

原本受邀出席公司飯局, 但由於大部分相熟同事都唔去, 所決定走頭, Shopping 去也~
點知... 就係咁Q, 竟然俾我見到佢~ 我都話我同企鵝有緣架啦~ XDDD

初初都有懷疑佢係雀仔定係企鵝.. 但係當我同sales講話要呢對耳環既時候, 佢話『企鵝果對呀?』
我即時好開心, 原來佢真係企鵝黎架, 唔係我一廂情願!!!  
 

超有品味的房間

事實又再一次証明, 我鍾情企鵝既程度, 唔算誇張~
我真係好想好想結識呢間屋既屋主, 佢實在係太有品味喇!!!!!!

[中國‧香港] 亮明居

『亮明居』係位於IFC 國金既高級食府, 佢同『國金軒』同屬美麗華集團, 佢主要係食四川 fusion 菜~
由於友人送左一張買一送一o的Bunch Coupon 俾我, 所以就揀左農曆生日去光顧~ :D

呢個Bunch 都包唔少野, 除左 Appetizer 同 Dessert 任食外, 仲包兩個 main course, 一個 noodles 同一杯飲品~
由於見食評話呢度既食物一般, 所以我地都唔敢亂點菜, 叫左o的比較穩陣既菜式:
1) 香糟羅漢蝦 - 呢個好得, 隻蝦夠大隻, 而o的豆腐亦都好嫩滑, 最勁係佢切到o的豆腐一片片, 好勁!!
2) 古法干燒智利白鱸魚 - 呢個都好好, o的汁同塊魚好配合, 好味~
3) 烤羊架川煙肉汁 - 呢個一般般, 同出面食buffet既烤羊架差不多, 不過佢特別在有用豆豉黎煮 XD
4) 怪味寸香骨 - 呢個都幾好, 酸酸甜甜, 可惜我唔食茄子 :P
5) 家常海鮮炒麵 - 好辣既一碟炒麵~ :P
6) 擔擔麵 - 呢個都辣, 而佢既麵質比一般既硬少少, 不過都okay~

至於佢o的 Appetizer 同 Dessert 賣相亦都一流, Appetizer 全部細細件, 一人份量, 好得意, 而味道亦都唔錯~
Dessert 亦有唔少選擇, 件件甜點都好精緻~ 以 $238 一位既價錢黎食呢個bunch, 我覺得還算值得, 不過對於貧窮既我就有o的貴喇~ =P
另外不得不提, 我覺得佢地個經理都真係又型又靚仔, 打扮成『蘭桂坊溝女look』, 真係好少見, 令我同友人都忍唔住不停"目及"仔~  XD
依家買一送一, 仲有靚仔睇, 都真係幾抵~  :D

[中國‧香港] 明閣

好耐無同爸爸媽媽出街食飯, 所以今次揀左『明閣』開餐~
去到之後, 我媽媽問我呢度係咪酒店, 我就話『係呀, 叫砵蘭街酒店』佢竟然信以為真, 仲話『乜改過咁既名呀!』 XD

由於第一次去, 所以都係叫左o的standard菜:
1) 海蝦炒蛋白 - 賣相一流, 食落就有o的似賽磅蟹, 岩晒老人家食, 而我自己就對佢一般, 反而最愛係佢個蝦頭 :P
2) 朗豪炸子雞 - 最喜歡呢個, 個皮好脆, 而o的肉就嫩, 係印象中最好食既炸子雞
3) 鮮菇蟹肉扒時蔬 - 呢個揀左扒菜膽, 我覺得好好味呀, ｏ的菜炒得好嫩 :D
4) 鮮蝦荷菜飯 - 呢個超級大兜, 佢係炒完o的飯先放入去蒸, 個人覺得無乜荷葉味, 而且太過乾身~
5) 杞子桂花糕 - 呢個又唔錯喎, 清清地, 幾岩呢個天時食~
總結黎講, 『明閣』都可算係一個驚喜, 估唔到旺角區都可以有一間咁高質素既食府~:D

[中國‧香港] Peninsula

由於前兩日放假, 所以就去左『Peninsula』叫左個tea set  Hi 一 Hi 佢~
一如以往, 勁多人排隊, 不過等左一陣就有位喇~

其實個tea set 都唔少野, 未食飯都可以食得你飽~
佢既品質亦都真係唔算, 上至三文治, 英式鬆餅, 下至cheese cake, 古古力都一樣好好味~
而且仲有隊mini管弦樂團係後面為你伴奏, 都咪話唔好feel~ :D

[中國‧香港] 發記

前兩日唔知點解入左深井, 順路去左『發記』食甜品~
今次叫左個什果大菜糕 & 榴槤飄香~ 個大菜糕無乜特別, 但係個榴槤飄香就好得!!
佢係楊枝金露既榴槤版, 鍾意食榴槤既人必定喜愛, 最後我仲打包左三碗返屋企~ 勁~ =D

[中國‧香港] 羅富記

呢個月都真係食左唔少好野, 上幾個星期去左中環既『羅富記』食雲吞麵~
咪以為雲吞麵無特別, 呢間o的雲吞好足料, 粒粒都包住幾隻蝦~
除左雲吞掂之外, 佢既蜆介鯪魚球都好得~ 不過都係一樣, 勁熱氣~ :P

[中國‧香港] Chesa

講明係生日月, 當然係多飯局啦~ 呢個又係另一餐生日飯~ 
呢次就勁喇, 去左半島既『Chesa』食瑞士菜~ 咁大個女都係第一次入半島食飯咋~~
由於係第一次黎食, 所以全部都叫晒招牌菜:
1) 香煎鵝肝 - 好軟滑, 同一年前係allez allez食既差不多, 好味~
2) 薏米忌廉湯 - 好濃味既忌廉湯, 一樣好好味~
3) 烘芝士配新薯 - 呢個唔駛講, 一定要叫啦, 好特別好好味, 比『瑞士餐廳』既仲好味~
4) 紅酒汁燴牛尾 - o的牛尾煮到好淋, 好入味, 正~
5) 朱古力屋仔 - 話明生日飯, 當然有蛋糕架啦, 今次用古古力屋代替, 內藏兩個雲呢嗱雪糕~ yummy~

咪睇個location 以為好貴喎, 其實我覺得okay, 同之前去『瑞士餐廳』食既差唔多~

佈置上, 瑞士餐廳比Chesa 親切, 而服務上, Chesa 就親切好多, 可能係佢有個多口既經理啦~ =P
而且佢地好醒架, 會將個湯&牛尾分兩碟上, 由於佢o的份量幾大下, 所以兩個人share就岩岩好喇~
我諗我會再黎, 果日見到有人食芝士油火鍋 (即係用芝士油炸o的肉黎食), 令我諗起當日係瑞士炸炸下既情景, 好想再玩下~
不過呢間餐廳唔可以成日黎食, 因為佢全部野都好濃味, 食得多會滯同好難消化~ =P

[中國‧香港] 西貢新德記

話說噚日係一個朋友仔既生日, 我地一行九人柴娃娃入左西貢食海鮮....
好耐無入過去食海鮮喇, 估唔到依家熱鬧左多, 勁多海鮮檔~  由於有醒目女既引路, 我地快就去左海鮮街既『新德記』~

佢地個廚都真係唔錯, 所有海鮮都煮得好好味~~
我地叫左: 椒鹽賴尿蝦,  蒜蓉開邊蝦, 蒜蓉蒸扇貝, 豉椒炒聖子 & 豉汁蒸象拔蚌, 全部都勁大隻, 勁好味~
就算係個蠔餅都好唔錯, o的蠔好大隻, 唯獨係個蟹粥唔掂, 蟹還蟹, 粥還粥, 只得個咸味... -_-
雖然我地咁食法, 但係都唔算貴, 平均每人百五蚊, 都叫合理~

 

食完海鮮餐, 專程黎到西貢, 當然唔可以放過『滿記』啦~ 雖然係好飽, 但係都叫左碗【海底椰涼粉】, 佢比松記好味千倍呀~ :D

[中國‧香港] 峇里餐廳

兩個星期前去左佐敦既『峇里餐廳』試食印尼野~
峇里我就去過喇, 印象中無乜野係特別好食, 不過姑且一試~  我分別叫左:

1) 粟火餅 - 幾好食, 好多粟米粒粒, 不過多o的人分會好o的, 因為好熱氣~
2) 黃薑飯 - 呢個都唔錯, 不過岩冬天食多o的, 因為好薑~
3) 羊肉串燒 - 普普通通, 我覺得好時/老趙都比佢出色~

下次咁岩行開呢頭, 都可以再幫襯既, 不過就唔會特登再黎喇~  

食完飯見咁近『松記』, 就去食埋甜品... 佢個【三色涼粉】真係超難食...  -____-
o的質感完全唔似涼粉, 特別係白色果隻, 唔知乜黎!! 最後我都只係食晒最原始既黑色就算~

極強之音

呢個星期就犀利喇, 整左『異國風巧克力慕斯』既黑妹版~ 名叫『極強之音』!
點解叫個咁既名? 因為香脆爽口既果仁脆片同滑嫩細緻既慕斯形成強烈對比囉~
哈, 其實個名唔係我改既, 佢係出自日本一間甜品店『天使的微笑』~

 

講返舊蛋糕, 佢都係砌積木咁一層層砌上去~
不過今次就仲要加埋果仁脆片係底~ 都咪話唔複雜...
佢入面除左有果仁脆片之外, 仲有古古力慕斯, 古古力海綿蛋糕同紅桑子鮮奶凍~
紅桑子既酸味配合埋古古力既苦味, 味道剛剛好~ yummy!  :D

不過其實今次係有少少失準, 就係整到中間先發現屋企唔夠70%既古古力, 最後唯有用58%既頂上...
所以你會發現o的慕斯有兩截色~ 而且因為唔夠魚膠粉既關係, o的慕斯唔夠實, 有少少融既跡象~ =P
想食既朋友, 我屋企仲有... 不過由於天氣太熱, 慕斯不宜外帶, 煩請親自提取 XD

焗蘋果脆脆蛋糕

唔好以為我次次整蛋糕都會成功, 其實亦有失敗既時候... 只係大家唔發覺唧~
好似上星期整既『焗蘋果脆脆蛋糕』, 本身都焗得好地地, 非常之靚....
但係由於天氣太熱, 我頂唔住去左沖涼, 一時無睇住個火, 咁就衰左... =____=!!
結果... 由一個好靚靚既菠蘿面變左做烏碎碎.....

不過我都算醒, 識得執生... 最後我批左個菠蘿面, 再反轉成個蛋糕...
即刻靚返晒~ 如果你無見過張【烏碎碎】, 你都會以為焗得好成功... 哈哈~~ 

 

[中國‧香港] Kruspy Kreme

係美國好出名既『Kruspy Kreme』終於空降香港~
 上星期行開銅鑼灣, 就即刻幫襯買左兩件原味Donut..
不過由於太飽, 所以返到屋企先叮熱黎食~ 唔知係咪翻叮既關係, 覺得好甜, 唔係太好食...
下次都係即場食, 試真o的先~ :D