[中國‧香港] 小肥羊

我呢個大鄉里, 上個星期先第一次去食『小肥羊』~
其實想去好耐, 只係太多人, 一路都無意欲排隊等位打邊爐~
終於, 上星期同妹妹去左喇, 三十幾度高溫, 係香港人先會去冷氣房打邊爐架唧~

講返正題, 我覺得佢個湯底真係唔錯, 好有味, 而且好特別~
唔似得譚魚頭果o的周街都食到/自己都整到, 所以雖然佢係貴, 但係值得既~
除左個湯底, 我覺得佢既墨魚滑&豬紅都好唔錯, 豬紅做到好似豆腐咁滑, 出面真係食唔到~
不過呢, 我諗下次就唔會叫肥牛/羊喇, 唔覺得特別好食, 而且貴之餘, 又會整到個湯底好肥~

一路都聽到有人話小肥羊既service好差, 直至叫甜品之前, 我都唔覺, 因為o的侍應好友善~
但係當我地等左廿分鐘先黎個甜品, 仲要懷疑佢拎錯左既時候, 我地問佢呢件係乜黎, 佢竟然答:『咪你叫果樣囉!』真係激到啤一聲, 之後問個經理先確認到係黎錯, 咁佢地就拎走左啦... 點知一等又廿分鐘, 我地見唔妥, 咪再問究竟係咪會黎架, 唔黎就埋單啦... 點知, 部長拎返之前果件出黎, 話係我地叫果樣喎...
真係呢... 激到死左... 等左廿分鐘, 原來仲未拎返入廚房... 算!!! 最後我地都無要個甜品, 埋單走人~
所以話呢, 食小肥羊做乜叫甜品, 食甜品就應該出去食!!