[日本‧大阪] Hajime Restaurant Gastronomique Osaka

今個trip最後一餐, 當然要食得好啦~ 佢就係三星既『Hajime』~
呢間野有dress code架, 就係必須jacket + 皮鞋.... 有人唔信諗住博大霧著波鞋啦, 點知姐姐唔俾我地入, 等左一陣拎對皮鞋出黎.... 結果, 某人唯有係背包度拎返對召鞋出黎換... 哈~

呢餐唔駛講當然好好食啦, 唯一係個爆谷雪糕強差人意~

佢有個菜好得意的, 係由66種蔬菜組成, 就就左上面果隻免仔喇..... 而個鵝肝亦都好好味, 雖則佢唔係煎, 無左個香口, 但入口好滑~ 另外我亦好欣賞佢個牛油, 超好食丫, 同我係法國食果件有得揮.... 最後佢仲送左o的蛋白餅俾我地~
 

HAJIME RESTAURANT GASTRONOMIQUE OSAKA: 19,085 (Lunch for 2)
http://r.tabelog.com/osaka/A2701/A270102/27015488/

[日本‧大阪] 博多 一風堂

今次去左『博多 一風堂』, 夜晚十點幾都好多人丫, 我地等左陣先有位~
最後叫左兩款拉麵同一個餃子, 都okay架~

博多 一風堂: 2,220 (Dinner for 2)
http://r.tabelog.com/osaka/A2701/A270101/27003206/

[日本‧金澤] 小松弥助

黎到『小松弥助』附近點可以唔去參觀下呢..... 話晒係全日本第一位既壽司喎!!!!

唔黎都無野架, 一黎就弊喇, 諗緊好唔好入去食多餐.... 好啦, 反正都知幾時會再黎金澤, 點都應該試試既, 咁就去啦... 不過因為岩岩先食完十件壽司, 我地打算叫一個set兩份, 咁應該無咁吃力嘛....

點知一坐底, 佢就『每人』放一份餐具!!!! 今野大鑊喇, 點食呀.... 近年一次食十件壽司都少啦, 仲話一次食二十件?!! 係呢個情況下, 我地互望雙眼, 最後講左句.... 『頂啦!!!』 XDDDD

佢果然係第一位丫, 所有壽司既賣相同味道都非常非常好~ 佢比較有特色, 專登prepare左塊布俾你抹手, 等你可以直接要手拎o的壽司黎食~~

最後我地除左追加件油金魚之後, 怕怕仲送多件壽司我地添.... 就係最下面白色果舊喇.... 估唔估到係乜呢??? 竟然係蘿蔔..... 真係估佢唔到, 仲要好好食添~

雖則呢間o的食物好唔錯, 仲要係全日本第一, 但我個人都係比較喜歡札幌既『すし善 本店 』, 可能佢現代o的, 賣相更加精緻~ 不過, 如果你黎開金澤, 呢間係一定唔可以錯過既!!!

小松弥助: 10,000 (Lunch for 2)
http://r.tabelog.com/ishikawa/A1701/A170101/17000055/

[日本‧金澤] 乙女壽司

我地黎金澤既目的都係為食壽司, 因為全日本頭幾名既壽司店全部都係度... 而呢間就係全日本第12, 金澤第3名既....

本身我想食第一名果間架, 不過book位果日咁岩佢休息, 又怕太遲趕唔切, 所以book 乙女算數~ 懶得改嘛....

呢度既Lunch 係『餓媽家姐』, 即係由廚師話事~ 佢地會選當日食材最新鮮既整俾你食~ 個lunch set 大約有十件壽司, 大部份名貴食材都有, 好似海膽呀, 拖羅, 油金.... etc. 全部都非常好味好鮮甜, 我最欣賞係佢個鰻魚同手卷....

鰻魚係由姐姐一手一手咁钳o的骨出黎, 之後先再燒, 真係第一次見....
而個吞拿魚手卷o的魚係由刀慢慢挖出黎, 並唔係用刀切碎...
呢o的日本人對食物既認真, 一o的都唔會馬夫...

乙女寿司: 8,400 (Lunch for 2)
http://r.tabelog.com/ishikawa/A1701/A170101/17000107/

[日本‧金澤] こいで

是晚我地去左居酒屋~ 呢間野唔太想做我地生意, 因為佢地完全唔識英文~
佢既menu 當然係一粒英文都無啦, 咁都唔緊要, 最弊係連價錢都無.... 淨係得o的心心話邊個邊個係推介...... >_<

好喇, 我地先叫左個『黑龍』, 跟住就依照o的心心落order~

嘩, 佢隻牡丹蝦真係大到無人有, 而個蟹亦好鮮甜, 再黎就係炸蠔同海膽, 全部都好得~ 跟住我地叫左個魚生, 個份量實在係太大喇, 食完完全飽晒.... 佢仲有個魚肝, 非常非常好味, 但膽固醇超高....

最後我地order麵鼓湯為總結, 以我地既超爛日本, 知道『汁』代表湯嘛, 咁咪叫囉, 咪知見佢係水箱度捉條魚上黎, 都feel到唔對路喇... 跟住我地見到一大窩活魚麵鼓湯放係面前... 真係呢.... 唯有頂啦..... XDDD

呢餐好食, 海鮮非常生鮮, 但比想像中貴, 因為份量太多喇... 另外就係少左同老闆既交流, 所以唔係太值~ 相對地喜歡高山個風趣老闆多好多~ :p

こいで : 27,000 (Dinner for 2)
http://r.tabelog.com/ishikawa/A1701/A170101/17001005/

[日本‧高山] つづみそば

由於噚日真係食得太飽喇, 所以今日決定清清地, 就咁食個拉麵~
我一向對拉麵都無好感, 呢間就比較似中國麵咁, 味道就好一般架喇, 不過至少我肯食先啦~

つづみそば: 2,100 (Lunch for 2)
http://r.tabelog.com/gifu/A2104/A210401/21000790/

[日本‧高山] 肴

我地揀左呢間鄉土料理, 個名叫『肴』~ 你要事前同佢講你揀套餐a,b or c, 佢就會根據價錢幫你準備食物~ 我地事前都唔知食乜架, 只係揀左最貴同中間果個set.

由於佢都係居酒屋, 所以介紹我地飲 『黑龍しずく』, 我覺得超好飲丫, 老闆見我咁識貨仲好開心添, 佢話係皇太子至愛黎架~ 係食完呢餐之後, 我每見酒舖都會入去搵下有無黑龍, 想帶支返香港嘛..... 結果當然係搵唔到啦, 最後上yahoo先知原來呢隻酒俾人炒起晒, 原价10,500俾人炒到要18,000一支.... 下次都要襯佢出酒既6 or 11 月黎一次『福井』......
 

呢餐就係我地既晚餐喇, 有刺生有蟹, 仲有飛騨牛..... 你睇塊扒有幾靚就知掂啦, 話晒A5喎~ 另外我地仲食到高山名物 『朴葉味噌焼き』添~

請記得呢日我地已經食左兩個 Lunch, 基本上本身已經飽飽地, 但佢既食物真係太得喇, 所以最後全部食晒~ 老闆仲話我地知佢o的菇係自己閒時上山採架, 真係講都唔信, 佢仲俾埋相我地睇~ 另外由於我地太好傾喇, 佢仲俾左一大堆咭片俾我地派俾朋友, 等我地可以介紹開去~

P.S. 老闆話佢就黎搬左, 會由一間店仔變到一揀獨立屋, 想食既朋友記得check清楚先去呀~

飛騨季節料理 肴: 23,600 (Dinner for 2)
http://r.tabelog.com/gifu/A2104/A210401/21000566/

黑龍しずく
http://www.kokuryu.co.jp/brew/kodawari.html

[日本‧名古屋] あつた蓬莱軒

再黎... 就去左食名古屋名物, 鰻魚飯!!!! 雖則剛剛先食完豬扒, 但唔黎食過好似對自己唔住咁, 所以太約兩點就食我地既 Second Lunch.

由於好晏, 所以完全唔駛等位. 我地叫左一個set兩份食, 試晒三種食法, 我個人至喜歡係就咁食.... haha...

あつた蓬莱軒: 2,730 (Lunch for 1 set)
http://r.tabelog.com/aichi/A2301/A230103/23000108/

[日本‧名古屋] とんかつあさくら

我地既誠意真係勁, 山長水遠黎食炸豬扒, 11點正等佢開門...... 唔係想黎咁遠架, 放棄過幾次, 但最後都係敵唔過佢張相, 真係呢.....

講返件豬扒, 唔駛我講啦, 淨睇相都知非常非常掂!!! 看似生生地, 但入口o的肉汁多到爆, 真係唔知佢點整既. 全國炸豬扒第二果然唔野少.... 最後我地仲追加多一碟淨豬扒添.....

とんかつあさくら: 4,100 (Lunch for 3 set)
http://r.tabelog.com/aichi/A2301/A230112/23003992/

[日本‧名古屋] LA TABLE de Joel Robuchon

本身打算去食名古屋名物鰻魚飯, 點知又俾我地見到『LA TABLE de Joel Robuchon』 喎... 你知有人對Robuchon有情意結啦, 所以就放棄左間鰻魚喇....

講返間餐廳, 完全無人, 我地變左包場食~ 食物好一般, 我最唔妥佢係身為Robuchon, 竟然連牛角包都無, 真係唔係路, 早講丫, 我肯定唔入去... 唯一比較安慰係佢個牛都尚算唔算, 有我煮既水準~ XDDDD

LA TABLE de Joel Robuchon: 15,960 (Dinner for 2)
http://r.tabelog.com/aichi/A2301/A230103/23005177/

[日本‧松阪] 和田金

哈~ 我地黎咁遠, 除左因為個海老, 仲因為個松阪牛!!!
今次我地去左松阪牛既老大『和田金』食, 基本上成個松阪都係靠呢間店生存....

講返食物, 我地叫左兩份あみ焼同兩份寿き焼. 呢個橈肉好簡單, 只係加少少汁就直接係炭火上燒, 完全食到肉既鮮味~ =D

再黎就係寿き焼, 呢個係香港真係食唔到咁好食, 加埋o的日本蛋簡直就一流~ 我地仲咁岩見到隻孖蛋添~ 另外, 佢加係飯食既小物都超好味, 可惜無得賣~

和田金: 38,830 (Lunch for 4)
http://r.tabelog.com/mie/A2401/A240102/24000069/

[日本‧鳥羽] シーホース （SEA HORSE）

黎得『伊勢』, 當然係為食佢個伊勢海老啦~
呢個set係酒店包既, 上面果張大相就係伊勢海老喇, 不過唔係全隻, 而係起晒肉.. 呢餐個樣就好okay, 但味道個人覺得好一般....

シーホース （SEA HORSE）:
http://r.tabelog.com/mie/A2403/A240302/24000268/

[日本‧鳥羽] 海鮮茶屋えびしま

今次呢間係即場搵的, 見邊間個樣okay就入去. 鳥羽係海邊, 魚產品豐富~ 不過我覺得o的野好普通, 海膽唔甜, 隻蠔亦好一般.....

海鮮茶屋えびしま: 4,750 (Lunch for 4)
http://r.tabelog.com/mie/A2403/A240302/24007038/

[日本‧京都] comme ci comme ca

o拿.... 呢間我覺得係京都必試的... 叫『comme ci comme ca』, 不過超超超難book.... 其一係佢只可一個月前book, 其二係佢要特定落場時間先俾book, 其三係佢完全唔識英文, 必須搵人幫手book, 再黎就係佢得果10個位, 真係手快有, 手慢無, 仲要最多只可book 二人枱!!!! 真係頂頂頂!!!!

本身想放棄架喇, 因為想book既星期六full晒, 而星期日又只可俾我地book兩個位.... 但最後因為私心, 亦唔想辜負朋友一而再, 再而三咁越洋幫我book枱, 所以我最後決定放棄同行朋友!!! 而呢個決定係絶對正確既~ XDDDDDDD

好喇, 講返間餐廳... 佢非常偏僻, 位於民居, 要特登搭車去.... 一去到呢, 就發現佢唔俾影相?!!!!! 我想扮唔識睇架, 但過唔到良心, 所以乖乖的收埋部大相機... 不過我都有拎iphone出黎偷影, 因為實在太得... 不過最後我見隔離枱明目張膽咁拎部相機出黎影丫... 真係激死我!!! >_<

講返食物.... 佢既食物真係非常非常得, 好耐無食真正入口即溶既鵝肝, 個蠔啫喱亦都好掂, 個main 當然都好得啦, 食家話從未食過咁嫩既家禽喎... 最後個甜品係超級good!!! 我完全無印象有邊間食過既餐廳飯後甜品比佢好!!!! 係人都知我對甜品要求極高架啦!! 咁既質素, 呢個價錢, 絶對超值!!!!

comme ci comme ca Dinner: 16,680 (Dinner for 2)
http://r.tabelog.com/kyoto/A2603/A260301/26001089/

[日本‧京都] 八坂圓堂

行完寺, 我地就去『八坂圓堂』食天婦羅~ 佢正正係『祇園 さヽ木』隔離, 好易搵~

講返食物, 我就覺得普普通通, 而同行朋友就覺得好好食~ 原因係我地食過北海道既『田ざわ 』... 真係無得比.... 人地有心好多, 呢間我覺得比較商業化~

淨睇條魚就知輸晒啦, 人地『田ざわ』係整到條魚活生生咁架......
仲有就係佢爭左最重要既蝦腳.....

八坂圓堂 Lunch: 24,035 (Lunch for 4)
http://r.tabelog.com/kyoto/A2603/A260301/26000592/

[日本‧京都] Ristorante dei CACCIATORI

今次食既係意大利菜『Ristorante dei CACCIATORI』~

本身我地唔係想book呢間架, 不過comme 無位, 再問其他法國菜又已經full晒.... 所以係無計可施既情況下揀左呢間話晒有3.95分既意大利菜..... 結論係... 完全唔得!!! 我地睇得出阿大廚哥哥真係好攰好攰, 成餐係個麵包條最好食, 証明日本人都係煮法國野有技巧好多.... 呢餐算係最唔值既一餐..... :(

Ristorante dei CACCIATORI: 29,610 (Dinner for 4)
http://r.tabelog.com/kyoto/A2603/A260301/26007075/

[日本‧京都] 祇園 さヽ木

黎關西當然要食個京料理啦~ 由於一般京料理都超貴, 所以係再三篩選下揀左『祇園 さヽ木』, 佢算係一間新派既京菜食店...

佢o的野好細緻, 仲好有特色, 當中我至愛佢個半湯半唧喱果個菜, 好特別亦好好味~ 而個飯就係有專人上黎特別為我地調製~ 好okay架~ 呢間野都係好巴閉架, 一個月前先俾book枱, 而且仲成日full添~

祇園 さヽ木: 22,000 (Lunch for 4)
http://r.tabelog.com/kyoto/A2603/A260301/26001863/

[日本‧大阪] 五感 & Wittamer

又係甜品時間喇, 我地其實係去純平之前已經係阪神買晒野~

今次試左『五感』同 『Wittamer』, 五感既真係唔錯, 會令你想再幫襯... 至於wittamer就普普通通, 可能因為係東京都成日食.....所以最後我係五感買左兩個年輪返香港做手信~

五感: http://r.tabelog.com/osaka/A2701/A270101/27003362/
Wittamer: http://r.tabelog.com/osaka/A2701/A270101/27000355/

[日本‧大阪] 純平

嘩, 呢間真係要介紹下..... 我第一次食河豚料理咋, 超得!!!
佢唔係o的咩連鎖店, 係一間只有12個位既小店, 得一個廚師同妹妹仔serve. 佢最令我地驚嘆係樣樣都好好食, 而且仲好細緻. 唔係咁多地方會做河豚內臟, 因為毒素難清, 但呢間真係整得好好. 個河豚皮好有彈性, 超好味..... 佢仲好細心咁見我地四條友, 就算order3份, 都每樣俾4件~ 咁既質素, 呢個價錢, 絶對係超值!!!

純平: 23,000 (Dinner for 4)
http://r.tabelog.com/osaka/A2701/A270101/27014760/

[日本‧大阪] 花曆

呢間叫『花曆』, 個樣就靚喇, 但o的野唔得的.... 千祈唔好去....

花曆: 17,655 (Lunch for 4)
http://r.tabelog.com/osaka/A2702/A270202/27002604/

[日本‧大阪] うどん屋

之後我地就去左『うどん屋 』食手打烏冬, 好煙un, 仲有我至愛既溫泉蛋添~ =D
間野不過不失, 唔係順路既話唔駛特登走去~

うどん屋: 3,310 (Dinner for 4)
http://r.tabelog.com/osaka/A2701/A270101/27015342/

[日本‧大阪] Patisserie Ravi,e relier

放晒行李, 出發shopping喇.... 不過係之前, 我地決定去『Patisserie Ravi,e relier』 買個甜品先... 話晒都係o全日本第四既甜品喎, 當然要拜訪下啦....

好彩我地買完先shop咋, 好鬼多人, 排係我地前面o的人狂買, 輪到我地果時淨返好少, 如果再遲兩步, 可以空手而回添呀.... 味道好okay, 但我仍然比較喜歡銀座果間..... =P

Patisserie Ravi,e relier:
http://ameblo.jp/patisserie-ravie-relier/
http://r.tabelog.com/osaka/A2701/A270103/27044987/

[日本‧大阪] 青木松風庵

一落機, 第一件事當然係去『青木松風庵』買返盒芝士蛋糕啦~ 嘩佢貴左好多丫, 1000円先得果6舊, 不過.... 仍然係值得既!!!

我本身想落order hold 貨回程時買架, 點知佢唔俾喎. 可能係有好多香港人hold完唔拎貨所以唔接受訂單.... sigh...

青木松風庵: http://www.shofuan.co.jp/

[中國‧香港] Gaddi's

唔係特登去的, 只係有coupon到期要用左佢~ =P
元旦後剛好有special menu~
 

好一段時間無黎, 佢既水準差左好多.... >_<
怪不知佢拎唔到星啦, 時好時壞....
我唔會再推薦俾人黎喇....

Gaddi's: http://www.peninsula.com/Hong_Kong/en/Dining/Gaddis/default.aspx